புதுக்கோட்டை: தனியார் பேருந்துகள் 3 மடங்கு கட்டணம் வசூலிப்பதாக புகார்... அதிகாரிகள் ஆய்வு!

புதுக்கோட்டை மாவட்டத்தில் சில தனியார் பேருந்துகளில் 3 மடங்கிற்கும் அதிகமாக கட்டணம் வசூலிப்பதாக பொதுமக்கள் புகார் தெரிவித்துள்ளனர்.

அரசுப் போக்குவரத்து தொழிலாளர்களின் போராட்டம் காரணமாக, புதுக்கோட்டையில் 15 சதவிகித பேருந்துகள் மட்டுமே இயக்கப்படுகிறது. இதனால், மக்கள் தனியார் பேருந்துகளில் பயணம் செய்து வருகின்றனர். இதனை பயன்படுத்தி, சில தனியார் பேருந்துகள் 3 மடங்கு அதிகமாக பயணக் கட்டணம் வசூலிப்பதாக மக்கள் புகார் தெரிவித்துள்ளனர்.

திருச்சியில் இருந்து புதுக்கோட்டைக்கு வர, வழக்கமாக 37 ரூபாய் வசூலித்து வந்த நிலையில், தற்போது நூறு ரூபாய் முதல் 150 ரூபாய் வரை கட்டணம் வசூலிப்பதாக குற்றம் சாட்டுகின்றனர். மேலும் கட்டணம் வசூலித்ததற்கான பயணச்சீட்டும் வழங்குவதில்லை என புகார் தெரிவித்துள்ளனர்.