சென்னை அருகே கோவளத்தில் இன்று நடைபெறும் தென்மாநில முதல்வர்கள் மாநாடு, தென் மாநிலங்களின் ஒத்துழைப்பு, பொருளாதார முன்னேற்றம், தொழில் முதலீடுகள் போன்ற பல முக்கிய விஷயங்களை மையப்படுத்துகிறது.
31ஆவது தென்மாநில முதல்வர்கள் மாநாடு சென்னையை அடுத்த கோவளத்தில் இன்று நடைபெறுகிறது. தமிழகம், கேரளம், கர்நாடகா, ஆந்திரா, தெலங்கானா மற்றும் புதுச்சேரி மாநிலங்களின் முதல்வர்கள் மற்றும் உயரதிகாரிகள் இதில் பங்கேற்கின்றனர். மாநிலங்களுக்கு இடையேயான ஒத்துழைப்பு, பொருளாதார வளர்ச்சி, தொழில் முதலீடுகள் உள்ளிட்ட பல்வேறு முக்கிய விவகாரங்கள் குறித்து ஆலோசனை நடத்தப்பட உள்ளது.
இந்த மாநாட்டுக்கு தலைமை தாங்குவதற்காக இரண்டு நாள் பயணமாக சென்னை வந்த மத்திய உள்துறை அமைச்சர் அமித் ஷாவை முதல்வர் விஜய் நேரில் சந்தித்து பேசினார். சுமார் 50 நிமிடங்கள் நீடித்த இந்த சந்திப்பில் பல்வேறு முக்கிய விவகாரங்கள் பற்றி ஆலோசித்ததாக சொல்லப்படுகிறது.