காஞ்சிபுரத்தில் விஷவாயு தாக்கி 3பேர் உயிரிழப்பு‌

காஞ்சிபுரம் மாவட்டம் போந்தூரில் உணவகத்தின் கழிவுநீர் தொட்டியை சுத்தம் செய்த போது விஷவாயு தாக்கி மூவர் உயிரிழந்தனர். 

காஞ்சிபுரம் மாவட்டம் போந்தூரில் உணவகத்தின் கழிவுநீர்தொட்டியை சுத்தம் செய்யும் பணியில் முருகன், அஜித் உள்ளிட்ட 4 தொழிலாளர்கள் ஈடுபட்டுள்ளனர். உணவகத்தின் மேற்பார்வையாளர் ரவி தொழிலாளர்களுடன் இருந்துள்ளார். அப்போது, விஷவாயு தாக்கியதில், முருகன், அஜித் மற்றும் மேற்பார்வையாளர் ரவி ஆகியோர் உயிரிழந்தனர். மேலும், உயிருக்கு ஆபத்தான நிலையில் 2 தொழிலாளர்களுக்கு சிகிச்சையளிக்கப்பட்டு வருகிறது.