கோப்பா அமெரிக்கா: வெனிசுலா-கொலம்பியா மோதிய ஆட்டம் டிரா

கோப்பா அமெரிக்க கோப்பை கால்பந்து தொடரில் கொலம்பியா மற்றும் வெனிசுலா அணிகள் இடையிலான போட்டி டிராவில் முடிவடைந்தது.

ஏ பிரிவில் இடம் பெற்றுள்ள இவ்விரு அணிகளுக்கும் இது இரண்டாவது போட்டியாகும். ஆட்டத்தின் தொடக்கம் முதலே இரு அணிகளும் சரிசம வேகத்தைக் காட்டினர். கொலம்பிய அணிக்கு கோல் அடிக்க பலமுறை வாய்ப்பு கிட்டியும் அவற்றை நூலிழையில் தவறவிட்டனர்.

ஆட்டத்தின் 90 நிமிடங்களில் இரு அணிகளும் கோல் அடிக்காத நிலையில் கூடுதல் நேரமாக 6 நிமிடங்கள் வழங்கப்பட்டது. அப்போதும் இரு அணிகளும் கோல் ஏதும் அடிக்காததை அடுத்து ஆட்டம் சமனில் முடிவடைந்தது.