மத்திய அமைச்சர் ராம்விலாஸ் பஸ்வான் காலமானார்

மத்திய நுகர்வோர் விவகாரத்துறை அமைச்சர் ராம்விலாஸ் பஸ்வான் உயிரிழந்தார்.

லோக் ஜனசக்தி கட்சியை நிறுவி அதன் தலைவராக இருந்தார் ராம்விலாஸ் பஸ்வான். மத்திய நுகர்வோர் விவகாரத்துறை அமைச்சராக இருந்த இவருக்கு கடந்த 3 நாட்களுக்கு முன்னர் இதய அறுவை சிகிச்சை செய்யப்பட்டிருந்தது. ஒரு மாத காலமாக டெல்லியில் உள்ள தனியார் மருத்துவமனையில் சிகிச்சை பெற்று வந்த அவர், இன்று சிகிச்சை பலனின்றி உயிரிழந்தார்.

பீகாரைச் சேர்ந்த பஸ்வானுக்கு தற்போது 74 வயதாகிறது. இவர் 8 முறை மக்களவை உறுப்பினராக தேர்ந்தெடுக்கப்பட்டவர். கடைசியாக மாநிலங்களவைக்கு தேர்வு செய்யப்பட்டிருந்தார்.