போர்ச்சுகல் மற்றும் டென்மார்க் இடையேயான UEFA நேஷன்ஸ் லீக் போட்டி கடந்த அக்டோபர் 1ஆம் தேதி டென்மார்க்கின் கோபன்ஹேகனில் நடைபெற்றது. ஆனால், இந்த போட்டி தொடங்குவதற்கு முன்பாக, போர்ச்சுகல் அணியின் கேப்டன் ரொனால்டோ அந்த அணியின் முகாமில் இருந்து வெளியேறினார். போர்ச்சுகல் அணியின் தலைமைப் பயிற்சியாளர் ஜார்ஜ் ஜீசஸுடன் (Jorge Jesus) ரொனால்டோவுக்கு ஏற்பட்ட கருத்து வேறுபாடே இதற்கு காரணமாக கூறப்படுகிறது. எனினும், பயிற்சி முகாமில் இருந்து வெளியேறியது தொடர்பாக, போர்ச்சுகல் கால்பந்து கூட்டமைப்பின் ஒழுங்கு நடவடிக்கைக் குழு விசாரணையைத் தொடங்கியுள்ளது.
விசாரணை முடியும் வரை ரொனால்டோ தற்காலிகமாக இடைநீக்கம் செய்யப்பட்டுள்ளார். இந்த சம்பவம் அவரது ரசிகர்களிடையே பெரும் அதிர்ச்சியை ஏற்படுத்தியிருக்கிறது.
இந்த விவகாரம் குறித்து ரொனால்டோ வெறியிட்டுள்ள அறிக்கையில், ”பயிற்சியாளர் ஜார்ஜ் ஜீசஸ் இந்தத் தொடர் குறித்து ஒரு திட்டத்தை வகுத்திருந்தார். அதன்படி, நார்வே போட்டியில் நான் விளையாடப்போவதில்லை என முடிவெடுக்கப்பட்டது. ஆனால், போட்டி நடைபெறும் நாளான செப்டம்பர் 27-ம் மதிய உணவின் போது என்னை 30 நிமிடங்கள் விளையாடக் கூறினார்.
ஆனால், warm-up மேற்கொண்ட பிறகும் விளையாட வைக்கப்படவில்லை. தேசிய அணிப் பயிற்சியாளர் தனது வாக்குறுதியைக் காப்பாற்றவில்லை. அதோடு உண்மையைச் சொல்லி விவகாரத்தை முடித்து வைப்பதாக ஜீசஸ் கூறினார்” எனத் தெரிவிக்கப்பட்டிருந்தது. மேலும், தனக்கு விதிக்கப்படும் தண்டனையை நாட்டின் மீதான பற்றின் காரணமாக ஏற்றுக்கொள்வதாகவும், இடைநீக்கத்தை நிறைவு செய்த பின்னர் போர்ச்சுகல் அணிக்காகத் தொடர்ந்து விளையாடத் தயாராக இருப்பதாகவும் தெரிவித்துள்ளார்.