விராத்திடம் வில்லங்க கேள்விகேட்ட டேனி வியாட், அதிரடி சதம்!

இந்தியா, இங்கிலாந்து, ஆஸ்திரேலிய அணிகள் பங்கேற்கும் பெண்கள் முத்தரப்பு டி20 கிரிக்கெட் தொடர் மும்பையில் நடந்து வருகிறது. நேற்று நடந்த 3-வது லீக் ஆட்டத்தில் இந்தியா-இங்கிலாந்து அணிகள் மோதின. முதலில் பேட் செய்த இந்திய அணி 4 விக்கெட் இழப்புக்கு 198 ரன்கள் குவித்தது. மிதாலிராஜ் 53 ரன்களும் (43 பந்து, 7 பவுண்டரி), மந்தனா 76 ரன்களும் (40 பந்து, 12 பவுண்டரி, 2 சிக்சர்) விளாசினர்.

அடுத்து களம் இறங்கிய இங்கிலாந்து அணியில், தொடக்க வீராங்கனை டேனிலி வியாட், ரன்மழை பொழிந்தார். அவர் 64 பந்துகளில் 15 பவுண்டரி, 5 சிக்சருடன் 124 ரன்கள் குவித்தார். அதன் காரணமாக, அந்த அணி 18.4 ஓவர்களில் 3 விக்கெட்டுக்கு 199 ரன்கள் சேர்த்து வெற்றி பெற்றது. பெண்கள் டி20 கிரிக்கெட் வரலாற்றில் ஒரு அணி 190-க்கும் மேலான ஸ்கோரை  சேசிங் செய்து வென்றது இதுவே முதல் முறையாகும். 

அபார சதமடித்த டேனிலி வியாட், இந்திய கிரிக்கெட் அணி கேப்டன் விராத் கோலியை, ‘என்னை கல்யாணம் பண்ணிக்கி றியா?’ என்று ட்விட்டரில் கேட்டவர் என்பது குறிப்பிடத்தக்கது.

கோலியிடம் கல்யாண ஆசை சொன்ன இங்கிலாந்து வீராங்கனை