ஆஸ்திரேலிய ஓபன்: இறுதிப் போட்டியில் டானில் மெத்வெடேவ்!

ஆஸ்திரேலிய ஓபன் ஆடவர் ஒற்றையர் இறுதிப் போட்டியில் ரஷ்யாவின் டானில் மெத்வெடேவ் தகுதிப்பெற்றுள்ளார்.

கிராண்ட் ஸ்லாம் போட்டிகளில் ஒன்றான ஆஸ்திரேலிய ஓபன் டென்னிஸ் பெல்பர்ன் நகரில் நடந்து வருகிறது. இதில் ஆடவர் ஒற்றையர் பிரிவுக்கான அரையிறுதி ஆட்டம் இன்று நடைபெற்றது. இதில் ரஷ்யாவின் டானில் மெத்வெடேவ் மற்றும் கிரீஸ் நாட்டைச் சேர்ந்த ஸ்டெபனோஸ் ஸிட்சிபாஸ் மோதினர். மிகவும் விறுவிறுப்பாக நடைபெற்ற இந்தப் போட்டியில் 6-4, 6-2, 7-5 என்ற நேர் செட் கணக்கில் மெத்வெடேவ் வெற்றிப்பெற்றார். இதனையடுத்து அவர் இறுதிப் போட்டிக்கு தகுதிப்பெற்றார்.

முன்னதாக நடைபெற்ற மற்றொரு அரையிறுதிப் போட்டியில் தரவரிசையில் முதலிடத்தில் இருக்கும் செர்பியாவின் நோவாக் ஜோகோவிச், ரஷ்யாவின் அஸ்லான் கராட்சேவை எதிர்கொண்டார். நேர்த்தியான ஆட்டத்தை வெளிப்படுத்திய ஜோகோவிச் 6-3, 6-4, 6-2 நேர்செட்டில் வென்று இறுதிப்போட்டிக்கு முன்னேறினார். இதனையடுத்து 9 வது முறையாக ஆஸ்திரேலிய ஓபன் இறுதிப் போட்டியில் ஜோகோவிச் பங்கேற்கிறார் என்பது குறிப்பிடத்தக்கது.

இந்நிலையில், ஆஸ்திரேலிய ஓபன் ஆடவர் இறுதிப் போட்டியில் நோவாக் ஜோகோவிச் மற்றும் டேனியல் மெத்வெடேவ் ஆகியோர் மோதுகின்றனர்.