ரொனால்டோ பெயரில் விமானநிலையம்

போர்ச்சுக்கல் கால்பந்து வீரர் கிறிஸ்டியானோ ரொனால்டோவின் பெயர் விமானநிலையத்துக்கு சூட்டப்பட்டிருக்கிறது.

ரொனால்டோவின் சொந்த ஊரான மடெய்ரா தீவுகள் பகுதியில் உள்ள சர்வதேச விமானநிலையத்துக்கு அவரது பெயர் சூட்டப்பட்டுள்ளது. இதற்காக நடத்தப்பட்ட விழாவில் ஆயிரக்கணக்கான ரசிகர்கள் கலந்துகொண்டனர். போர்ச்சுக்கல் அணியின் ஹீரோவாக விளங்கும் ரொனால்டோவுக்கு சிலை, அருங்காட்சியகம் மற்றும் அவரது பெயரில் உணவகம் என பல்வேறு கௌரவங்கள் மடெய்ராவில் அளிக்கப்பட்டுள்ளன. இந்தநிலையில், அந்நகரிலுள்ள சர்வதேச விமானநிலையத்தின் பெயர் கிறிஸ்டியானோ ரொனால்டோ சர்வதேச விமானநிலையம் என்று பெயர் மாற்றம் செய்யப்பட்டது. இதுகுறித்து மகிழ்ச்சி தெரிவித்து ரொனால்டோ ஆற்றிய ஏற்புரையில், சொந்த ஊரில் கிடைக்கும் கௌரவம் சிறப்புவாய்ந்தது என்று குறிப்பிட்டார்.