இன்றைய தலைப்புச்செய்திகள்|ரமலான் கொண்டாட்டம்-இஸ்லாமியர் சிறப்பு தொழுகை To எலான் மஸ்க் இந்தியா வருகை!

தமிழ்நாட்டில் இன்று ரமலான் கொண்டாட்டம் காரணமாக அதிகாலை முதல் இஸ்லாமியர்கள் சிறப்புத் தொழுகை.

திமுக அரசை வீட்டுக்கு அனுப்ப பாஜகவால் மட்டுமே முடியும் என கோவை தேர்தல் பரப்புரையில் பிரதமர் மோடி பேச்சு.

வெளிநாடுகளுக்கு சுற்றுலா சென்ற பிரதமர், தேர்தல் நெருங்குவதால் உள்நாட்டில் சுற்றுலா செல்வதாக முதலமைச்சர் விமர்சனம்.மேலும், அதிமுகவை அழிக்க இபிஎஸ், ஓபிஎஸ் மற்றும் தினகரனே போதும் என்றும் பேச்சு.

மேகதாது அணை கட்டப்படாது என பிரதமர் மோடி உறுதி அளிக்க முடியுமா? என பொள்ளாச்சி பொதுக்கூட்டத்தில் எடப்பாடி பழனிசாமி கேள்வி.

நாடாளுமன்ற தேர்தலுக்கு பின் அதிமுக காணாமல் போகும் என தமிழக பாஜக தலைவர் அண்ணாமலை புதிய தலைமுறைக்கு பிரத்யேக பேட்டி.

அண்ணாமலையின் பகல் கனவு பலிக்காது.அதிமுக ஆயிரங்காலத்து பயிர் என்பது அண்ணாமலைக்கு தெரியாது என அதிமுக முன்னாள் அமைச்சர் வைகைச்செல்வன் பதில்.

தேர்தலை புறக்கணிக்கும் பகுதி மக்களிடம்,பேச்சுவார்த்தை நடத்தி வாக்களிக்க வைக்க நடவடிக்கை என மாநில தலைமை தேர்தல் அதிகாரி சத்ய பிரதா சாகு விளக்கம்.

சென்னையில் நடைபெற்ற பிரதமர் வாகனப் பேரணியில் தேர்தல் நடத்தை விதிமீறல் ஏற்பட்டதாக பறக்கும்படை அதிகாரி அளித்த புகாரில் 2 காவல்நிலையங்களில் வழக்குப்பதிவு.

இந்தியாவின் முதல் எதிரி பிரதமர் மோடி என மதுரை பரப்புரையில் மதிமுக பொதுச்செயலாளர் வைகோ விமர்சனம்.

திமுகவும், அதிமுகவும் தொலைநோக்கு பார்வை இல்லாத காலாவதியான கட்சிகள் என பாமக தலைவர் அன்புமணி ராமதாஸ் விமர்சனம்.

முதலமைச்சர் ஆக்கியவர்களுக்கே துரோகம் செய்தவர் எடப்பாடி பழனிசாமி. ஆகவே,யார் பச்சோந்தி என்று உலகத்திற்கே தெரியும் என்று டிடிவி தினகரன் விமர்சனம்.

திமுக அரசில் விவசாயிகளுக்கு பெரும் பாதிப்பு என தேமுதிக பொதுச்செயலாளர் பிரேமலதா விஜயகாந்த் குற்றச்சாட்டு.

10 ஆண்டுகால பாஜக ஆட்சியில் நாட்டில் எதுவும் வளர்ச்சியடையவில்லை என பொள்ளாச்சி பரப்புரையில் சீமான் குற்றச்சாட்டு.

மக்களுக்கு சேவை செய்வதற்காகவே அரசியலுக்கு வந்துள்ளேன்.ஆகவே, நலத் திட்டங்கள் தொடர ஆதரவளிக்க ஐஜேகே நிறுவனர் பாரிவேந்தர் வேண்டுகோள்.

கடலூரில் திமுக, பாமக உள்ளிட்ட பல்வேறு கட்சி நிர்வாகிகளின் வீடுகளில் வருமான வரித்துறை சோதனை செய்ததில் அதிமுக நிர்வாகியின் இல்லத்தில் கணக்கில் வராத 10 லட்ச ரூபாய் கைப்பற்றப்பட்டதாக தகவல்.

மதுரையில் விசாரணை கைதி உயிரிழந்த சம்பவத்தில் உடல் முழுவதும் பலத்த காயங்கள் இருப்பது பிரேத பரிசோதனை அறிக்கையில் அம்பலம்.

பரப்புரைக்காக நாளை தமிழகம் வருகிறார் பாஜக மூத்த தலைவர் அமித் ஷா.இந்நிலையில், சிவகங்கை, மதுரையில் நடைபெறும் வாகன பேரணியில் பங்கேற்கிறார்.

பாபா ராம்தேவ் மற்றும் பதஞ்சலி நிறுவனம் மன்னிப்பு கோரிய பிரமாணப்பத்திரத்தை ஏற்க மறுத்தது உச்சநீதிமன்றம். ஆகவே, நீதிமன்ற அவமதிப்பு உத்தரவு ஏப்ரல் 16 ஆம் தேதி பிறப்பிக்கப்படும் என அறிவிப்பு.

இந்தியாவுக்கு விரைவில் வருகிறார் எலான் மஸ்க்.இதன்படி, பிரதமர் மோடியை சந்தித்து பேச திட்டம்.

ஹமாஸ் தலைவர் சென்ற கார் மீது இஸ்ரேல் வான்வழி தாக்குதல் நடத்தியதில், இஸ்மாயில் ஹனியேயின் 3 மகன்கள், 4 பேரக்குழந்தைகள் உயிரிழப்பு.

ரஷ்யாவில் வரலாறு காணாத வெள்ளப்பெருக்கு ஏற்பட்டதில் வீடுகள் வெள்ளத்தால் சூழ்ந்ததால் முடங்கிய மக்கள்.

நடப்பு ஐபிஎல் தொடரில் முதல் தோல்வியை சந்தித்தது ராஜஸ்தான்.கடைசி பந்தில் த்ரில் வெற்றிபெற்று குஜராத் அணி அசத்தல்.

மும்பை இந்தியன்ஸ் - ராயல் சேலஞ்சர்ஸ் பெங்களூரு அணிகள் வான்கடே மைதானத்தில் இரவு 7.30 மணிக்கு பலப்பரீட்சை.