அம்பேத்கர் குறித்து மத்திய உள்துறை அமைச்சர் அமித் ஷாவின் பேச்சுக்கு காங்கிரஸ் கடும் கண்டனம். அமித் ஷா பதவி விலக வேண்டும் என காங்கிரஸ் தலைவர் மல்லிகார்ஜூன கார்கே வலியுறுத்தல்.
அம்பேத்கரை முழுமையாக மதிப்பதாக பிரதமர் நரேந்திர மோடி கருத்து.இந்நிலையில், தனது 11 நிமிட காணொளியை மட்டுமே வெளியிட்டு காங்கிரஸ் சர்ச்சையை ஏற்படுத்திவிட்டதாக அமித் ஷா குற்றச்சாட்டு.
அதிக பாவங்கள் செய்பவர்கள் தான் புண்ணியத்தைப் பற்றி கவலைப்பட வேண்டும் என முதலமைச்சர் மு.க. ஸ்டாலின் விமர்சனம்.
அம்பேத்கர் இல்லாவிட்டால், பிரதமர் மோடி இன்றும் தேநீர் விற்க நேரிட்டிருக்கும் என கர்நாடக முதலமைச்சர் சித்தராமையா காட்டம்.
அமித் ஷாவின் பேச்சால் பாஜக பின்விளைவுகளை சந்திக்கும் என அதிமுக முன்னாள் அமைச்சர் ஜெயக்குமார் பேட்டி.
அம்பேத்கரை நாடே பேசுகிறது என்பதை சாவர்க்கரின் வாரிசுகளால் எப்படி பொறுத்துக் கொள்ள முடியும் என விசிக தலைவர் திருமாவளவன் விமர்சனம்.
அமித் ஷாவின் கருத்து பாஜகவின் பழைய சித்தாந்தத்தையே வெளிப்படுத்துவதாக அம்பேத்கரின் கொள்ளுபேரன் பிரகாஷ் அம்பேத்கர் விமர்சனம்.
அம்பேத்கரை அவமதிப்பதை ஒருபோதும் அனுமதிக்க முடியாது என தவெக தலைவர் விஜய் கண்டனம்.
அமித் ஷா பேச்சை காங்கிரஸ் திரித்து விட்டதாக மத்திய அமைச்சர் எல். முருகன் குற்றச்சாட்டு.
அம்பேத்கர் குறித்து அமித் ஷா தவறாக ஏதும் பேசவில்லை என தமிழக பாஜக தலைவர் அண்ணாமலை விளக்கம்.
ஒரேநாடு; ஒரே தேர்தல் மசோதாவை பரிசீலிக்கும் நாடாளுமன்ற நிலைக்குழுவில் இடம்பெற்றார் காங்கிரஸ் எம்.பி. பிரியங்கா காந்தி.மேலும், முன்னாள் மத்திய அமைச்சர்கள் அனுராக் தாகூர், மணிஷ் திவாரி உள்பட மொத்த 21 பேர் தேர்வு.
இந்தியா - சீனா இடையே மீண்டும் மானசரோவர் யாத்திரை, எல்லை வர்த்தகம் தொடங்க ஒப்புதல். சீன துணை அதிபரை இந்திய தேசிய பாதுகாப்பு ஆலோசகர் அஜித் தோவல் சந்தித்த நிலையில் இரு தரப்பு உறவில் முன்னேற்றம்.
அண்ணாமலை பல்கலைக்கழக துணைவேந்தர் நியமனம் தொடர்பான தேடுதல் குழுவை திரும்பப் பெற வேண்டும் என தமிழக அரசுக்கு ஆளுநர் ஆர்.என்.ரவி அறிவுறுத்தல்.
சிறுபான்மையின மக்களுக்கு திமுக அரசு என்றும் அரணாக இருக்கும் என முதலமைச்சர் மு.க.ஸ்டாலின் உறுதி. சிறுபான்மையினரின் நலனை காக்க திராவிட மாடல் அரசு முனைப்பு காட்டி வருவதாகவும் பேச்சு.
எழுத்தாளர் ஆ.ரா.வேங்கடாசலபதிக்கு சாகித்ய அகாடமி விருது அறிவிப்பு. திருநெல்வேலி எழுச்சியும் வ.உ.சி.யும் என்ற ஆய்வு நூலுக்காக விருது பெறுவது இரட்டிப்பு மகிழ்ச்சி என முதலமைச்சர் மு.க.ஸ்டாலின் வாழ்த்து.
ஜமைக்காவில் வர்த்தக வளாகத்திற்குள் நடந்த துப்பாக்கிச் சூட்டில் நெல்லையை சேர்ந்த இளைஞர் உயிரிழப்பு. உடலை தாயகத்திற்கு கொண்டு வர நடவடிக்கை எடுக்கக் கோரி மாவட்ட ஆட்சியரிடம் உறவினர்கள் மனு.
மண்டல பூஜை நெருங்கும் நிலையில் சபரிமலையில் அலைமோதும் பக்தர்கள் கூட்டம். இந்நிலையில், 18 ஆம் படியில் அதிக பக்தர்களை ஏற்றி தரிசனத்தை விரைவுப்படுத்த காவல் துறை ஏற்பாடு.
மருத்துவக் கழிவுகளை தமிழகத்தில் கொட்டி வருவதற்கு தென்மண்டல பசுமைத் தீர்ப்பாயம் கண்டனம் தெரிவித்துள்ளது. இதுவரை கொட்டப்பட்ட மொத்த கழிவுகளை அகற்றுவதற்கான செலவுகளை கேரள அரசிடமே வசூலிக்குமாறும் தமிழக அரசுக்கு ஆணை.
மும்பையில் நடுக்கடலில் நிகழ்ந்த படகு விபத்தில் 13 பேர் உயிரிழந்திருப்பதாக தகவல். உயிரிழந்தோர் குடும்பத்தினருக்கு தலா 5 லட்சம் ரூபாய் நிவாரணம் வழங்கப்படும் என மஹாராஷ்டிரா அரசு அறிவிப்பு.
அமெரிக்க பொருட்களுக்கு இந்தியா அதிக வரி விதிப்பதாக டொனால்ட் ட்ரம்ப் குற்றச்சாட்டு. பதிலுக்கு இந்திய பொருட்கள் மீது அதிக இறக்குமதி வரி விதிக்கப் போவதாகவும் எச்சரிக்கை.
புற்றுநோய்க்கு தடுப்பூசி கண்டுபிடித்திருப்பதாக மகிழ்ச்சியான தகவலை வெளியிட்டது ரஷ்யா. புத்தாண்டு முதல் நோயாளிகளுக்கு இலவசமாக வழங்கப்படும் எனவும் அறிவிப்பு.
14 ஆண்டு கால சர்வதேச கிரிக்கெட் வாழ்க்கையை முடிவுக்கு கொண்டு வந்தார் இந்திய வீரர் அஸ்வின். சர்வதேச அளவில் அனைத்து வகையான கிரிக்கெட் போட்டிகளில் இருந்தும் ஓய்வு அறிவிப்பு.