குஜராத்தி, தெலுங்கு, மராத்தி மற்றும் பஞ்சாபி ஆகிய நான்கு இந்திய மொழிகளில் செய்தி சேவைகளை, பிபிசி நிறுவனம் இன்று தொடங்குகிறது.
ஏற்கெனவே, தமிழ், இந்தி, பெங்காலி மற்றும் உருது மொழிகளிலும், ஆங்கிலத்திலும் பிபிசி செய்திச் சேவையை வழங்கி வருகிறது.இந்நிலையில் நான்கு புதிய இந்திய மொழிகளுடன், 7 ஆப்ரிக்க மற்றும் கொரிய மொழிகளில் சேவைகளை இன்று தொடங்குகிறது. மேலும், பிபிசி இந்தி தொலைக்காட்சி செய்தி, பிபிசி துனியா என்ற பெயரில் மறு துவக்கம் செய்யப்படுகிறது. `இந்தியா நியூஸ்' தொலைக்காட்சியில் தினசரி இரவு செய்திகள் ஒளிபரப்பாகும்.புதிய சேவைகள், இணையத்திலும், சமூக வலைத்தளங்களிலும் இடம் பெறும். தெலுங்கு தொலைக்காட்சி செய்தி, `பிபிசி பிரபஞ்சம்' என்ற பெயரில் இன்று இரவு முதல் தொடங்குகிறது. இந்த செய்திகள், ஈநாடு டிவி ஆந்திர பிரதேத்திலும் ஈநாடு டிவி தெலங்கானாவிலும் ஒளிபரப்பாகும்.
இது இந்தியாவில் பிபிசியின் குறிப்பிடத்தக்க முதலீடுகளில் ஒரு பகுதியாகும். 2 புதிய தொலைக்காட்சி அரங்குகளுடன் டெல்லியில் விரிவாக்கப்பட்ட செய்தி சேவைப் பிரிவு இதில் உள்ளடங்கும்.பிபிசியின் தலைமை இயக்குநர் பெர்கென்ஹெட்டின் லார்ட் ஹால், இந்த புதிய சேவைகளை துவக்கி வைக்க இந்தியா வந்துள்ளார்.