இந்தியா
ரூ.1 லட்சம் வைத்திருந்த துண்டை உணவுப்பொட்டலம் என நினைத்து தூக்கிச்சென்ற குரங்கு
ரூ.1 லட்சம் ரொக்கப் பணத்தை முடிச்சுப்போட்டு வைத்திருந்த துண்டை உணவுப்பொட்டலம் என நினைத்து குரங்கு ஒன்று தூக்கிச்சென்ற சம்பவம் மத்தியப்பிரதேசத்தில் அரங்கேறியுள்ளது.
மத்தியப் பிரதேச மாநிலத்தின் ஜபல்பூர் மாவட்டத்தைச் சேர்ந்த ஒருவர், தனது துண்டில் ரூ.1 லட்சம் ரொக்கப் பணத்தை முடிச்சுப்போட்டு ஆட்டோவில் சென்று கொண்டிருந்தார். அப்போது அவரை நெருங்கிய குரங்கு ஒன்று அவரிடமிருந்து துண்டை பறித்துச் சென்று அருகிலிருந்து மரத்தின் மீது வேகமாக ஏறி உட்கார்ந்து கொண்டது. பதறிப்போன அந்நபர் பணத்தைத் தந்துவிடுமாறு குரங்கை நோக்கிக் கெஞ்சத் தொடங்கினார்.
துண்டில் உணவு இருப்பதாக நினைத்த குரங்கு அதை அவிழ்த்துப் பார்த்தபோது அதிலிருந்த ரூபாய் நோட்டுக்கள் அனைத்தும் சாலையில் விழுந்தன. இதில் 56,000 ரூபாயை மட்டுமே மீட்க முடிந்ததாகவும் மீதி பணம் தொலைந்து விட்டதாகவும் காவல் நிலையத்தில் அந்த நபர் புகார் அளித்துள்ளார். இதுகுறித்து மஜோலி காவல் நிலைய போலீசார் விசாரணை நடத்தி வருகின்றனர்.