அமெரிக்க அதிபர் ட்ரம்ப் - ரஷ்ய அதிபர் புடின் தொலைபேசியில் இரண்டு மணி நேரம் ஆலோசனை. போர் நிறுத்தம் செய்ய தயார் என புடின் அறிவிப்பு.
இனி எக்காலத்திலும் நேட்டோவில் உக்ரைன் சேரக்கூடாது. கிரீமியா பகுதி முழுமையாக ரஷ்யாவுக்கே அங்கீகரிக்கப்பட வேண்டும் என்றும் ரஷ்யா நிபந்தனை.
ரஷ்யாவுக்கு எதிரான பொருளாதார தடைகள் தொடர வேண்டும் தொலைபேசியில் என பேசிய ட்ரம்பிடம் உக்ரைன் அதிபர் ஜெலென்ஸ்கி வலியுறுத்தல்.
ரஷ்யா - உக்ரைன் இடையிலான அமைதிப் பேச்சுவார்த்தையை வாடிகனில் நடத்த போப் பதினான்காம் லியோ விருப்பம். தேவையான உதவிகளை செய்ய தயார் என இத்தாலி பிரதமர் மெலோனி அறிவிப்பு.
அரபிக்கடலில் 22ஆம் தேதி உருவாகும் காற்றழுத்த தாழ்வு பகுதி காரணமாக 17 மாவட்டங்களில் இன்று மழைக்கு வாய்ப்பு.
நீலகிரி உள்ளிட்ட மேற்குத் தொடர்ச்சி மலை மாவட்டங்களில் நிலச்சரிவு பாதிப்புகளை தடுக்க முதல்வர் ஸ்டாலின் அறிவுறுத்தல்.
மேற்கு தொடர்ச்சி மலைப்பகுதிகளில் பெய்யும் மழையால் குற்றாலத்தில் சீசன் அறிகுறி. பிரதான அருவி, ஐந்தருவியில் கொட்டும் தண்ணீரில் குளித்து சுற்றுலாப் பயணிகள் ஆனந்தம்.
பெங்களூரு சாலைகளை மிதக்கவிட்ட கனமழை. நீரின் ஆக்ரோஷத்தால் நிலைகுலைந்த வாகன ஓட்டிகள்... பல கிலோ மீட்டர் தூரத்திற்கு போக்குவரத்து நெரிசல்.
மயிலாடுதுறை மாவட்டம் தருமபுரத்தில் பட்டணபிரவேசம் கோலாகலம். ஆதினத்தை சிவிகை பல்லக்கில் அமர வைத்து பக்தர்கள் சுமந்து சுற்றிவந்தனர்.
இந்தியாவில் கொரோனா தொற்று பாதிப்பு கட்டுக்குள் உள்ளது. சிங்கப்பூர், ஹாங்காங்கில் கொரோனா பரவி வரும் நிலையில் மத்திய அரசு விளக்கம்.
நீதிபதிகள் மீது வழக்கு தொடர முன்கூட்டியே ஒப்புதல் பெற வேண்டுமா? உச்ச நீதிமன்றத்தின் தீர்ப்பை மறுபரிசீலனை செய்ய வேண்டிய நேரம் வந்துவிட்டதாக, குடியரசுத் துணைத் தலைவர் ஜெகதீப் தன்கர் பேச்சு.
இந்தியா - பாகிஸ்தான் இடையேயான சண்டை நிறுத்தத்தில் அமெரிக்காவின் பங்கு இல்லை. நாடாளுமன்ற நிலைக்குழுவிடம் வெளியுறவுத் துறை செயலாளர் விக்ரம் மிஸ்ரி தகவல்.
ஆபரேஷன் சிந்தூர் குறித்து பாகிஸ்தானுக்கு முன்னரே தெரிவித்தது குறைபாடு அல்ல; குற்றம் என ராகுல் காந்தி விமர்சனம். வெளியுறவுத் துறை அமைச்சர் ஜெய்சங்கர் அமைதி காப்பது ஏன் என்றும் கேள்வி.
கேரளாவில் தொழில்நுட்ப பல்கலைக்கழகத்திற்கு தற்காலிக துணை வேந்தரை ஆளுநர் நியமித்தது செல்லாது. மாநில அரசின் பரிந்துரை இல்லாததால் உயர் நீதிமன்றம் தீர்ப்பு.
அதிபர் பதவியில் இருந்தபோது ஜோ பைடன் பணிபுரிவதற்கான உடல் தகுதியுடன் இருந்தாரா? என அமெரிக்க துணை அதிபர் ஜே.டி.வான்ஸ் கேள்வி.
ஐபிஎல் கிரிக்கெட்டில் லக்னோவின் ப்ளேஆஃப் கனவை உடைத்த சன் ரைசர்ஸ். களத்திலேயே மோதிக் கொண்ட திக்வேஷ் - அபிஷேக் ஷர்மா.
நடிகை சாய் தன்ஷிகாவை கரம் பிடிக்கிறார் விஷால். ஆகஸ்ட் 29ஆம் தேதி திருமணம் நடைபெற இருப்பதாக அறிவிப்பு.