தொகுதி மறுவரையறைக்கு எதிராக சென்னையில் இன்று கூட்டு நடவடிக்கைக் குழு கூட்டம். நாட்டின் எதிர்காலத்தை தீர்மானிப்பதற்கான தொடக்கம் என வீடியோ வெளியிட்டு முதல்வர் மு.க. ஸ்டாலின் பேச்சு.
தொகுதி மறுவரையறைக்கு எதிரான கூட்டத்தில் கலந்து கொள்ள கேரளம், பஞ்சாப், தெலங்கானா மாநில முதல்வர்கள் சென்னை வருகை. பாஜகவின் கூட்டணி கட்சியான ஜனசேனாவும் கூட்டத்தில் பங்கேற்கிறது.
மக்களின் கோபத்தை மடைமாற்ற மெகா நாடகத்தை திமுக அரங்கேற்றுவதாக அண்ணாமலை விமர்சனம். பாஜக சார்பில் இன்று கருப்புக்கொடி போராட்டம் நடத்தப்படும் எனவும் அறிவிப்பு.
கிரிக்கெட் ரசிகர்களை மகிழ்விக்க இன்று தொடங்குகிறது 18ஆவது ஐபிஎல் திருவிழா. முதல் போட்டியில் கொல்கத்தா - பெங்களூரு அணிகள் பலப்பரீட்சை.
ஊழலை மறைக்கவே சிலர் மொழி அரசியல் செய்வதாக நாடாளுமன்றத்தில் மத்திய உள்துறை அமைச்சர் அமித் ஷா விமர்சனம். மாநில மொழி பேசுபவர்களான தாங்கள் அவற்றை எப்படி எதிர்ப்போம் என்றும் கேள்வி.
அனைத்து மாநில மொழிகளையும் ஆட்சி மொழிகளாக அறிவிக்கத் தயாரா? மாநிலங்களவையில் உள்துறை அமைச்சர் அமித்ஷா பேசும்போது இடைமறித்து வைகோ கேள்வி
வேறு எங்கோ இருந்து கொண்டு அதிமுகவை பறிக்க ஒருவர் முயற்சிப்பதாக பாஜக மீது அமைச்சர் தங்கம் தென்னரசு மறைமுக விமர்சனம். அதிமுகவினர் கவனமாக இருக்க வேண்டும் என அறிவுறுத்தல்.
கூட்டணிக் கணக்கில் நாங்கள் ஏமாற மாட்டோம் என பேரவையில் அதிமுக முன்னாள் அமைச்சர் தங்கமணி உறுதி. ஏமாறாமல் இருந்தால் வாழ்த்துகள் என முதல்வர் ஸ்டாலின் பதில்.
ஆடு நனையுதே என ஓநாய் கவலைப்பட தேவையில்லை. கூட்டணி விஷயத்தில் ஏமாறாமல் இருந்தால் வாழ்த்துகள் என முதல்வர் கூறியதற்கு இபிஎஸ் பதிலடி.
பிரதமர் மோடி வரும் 30ஆம் தேதி நாக்பூர் பயணம். அண்மையில் வன்முறை நிகழ்ந்ததால் பாதுகாப்பு ஏற்பாடுகள் தீவிரம்.
திருப்பதி கோயிலில் இந்துக்கள் மட்டுமே பணியமர்த்தப்பட வேண்டும். ஆந்திர முதல்வர் சந்திரபாபு நாயுடு அறிவிப்பு.
நீதிபதி யஷ்வந்த் வர்மா வீட்டில் பணம் கண்டுபிடிக்கப்பட்ட விவகாரத்தை 3 நீதிபதிகள் கொண்ட குழுவை அமைத்து விசாரிக்க உச்ச நீதிமன்றம் முடிவு. வீட்டில் நடந்த நிகழ்வுக்கும், பணியிட மாற்றத்திற்கும் தொடர்பில்லை என்றும் விளக்கம்.
மைக்ரோசாப்ட் இணை நிறுவனர் பில்கேட்ஸுடன் கிரிக்கெட் விளையாடிய சச்சின் டெண்டுல்கர். இருவரும் ஆர்வமுடன் விளையாடிய வீடியோ இணையத்தில் வைரல்.
ரெட்ரோ படத்திலிருந்து வெளியானது கனிமா பாடல். சூர்யா, பூஜா ஹெக்டே இணைந்து நடனமாடும் பாடலுக்கு ரசிகர்கள் வரவேற்பு.