சீனாவுடன் வர்த்தக ஒப்பந்தம் செய்துள்ளதாக அமெரிக்க அதிபர் டொனால்டு ட்ரம்ப் அறிவிப்பு. அடுத்த ஒப்பந்தம் இந்தியாவுடன் இருக்கலாம் என சூசகம்.
கத்தாரில் ராணுவ தளத்தை அழித்து அமெரிக்காவின் முகத்தில் அறைந்து விட்டோம் என ஈரான் உச்ச தலைவர் காமேனி பேச்சு.
எந்த அந்நிய மொழிக்கும் எதிர்ப்பு இருக்கக்கூடாது என மத்திய அமைச்சர் அமித் ஷா கருத்து. ஆங்கிலம் பேசுவோர் வெட்கப்பட வேண்டிய காலம் வரும் என பேசியிருந்தது சர்ச்சையான நிலையில் விளக்கம்.
மஹாராஷ்டிர தேர்தல் முறைகேடு புகார்கள் பற்றி தேர்தல் ஆணையத்துடன் விவாதிக்கத் தயார் என காங்கிரஸ் அறிவிப்பு. விவாதத்திற்கு முன் வாக்காளர் பட்டியலின் நகல், கேமரா பதிவுகளை வழங்கவும் கோரிக்கை.
அண்ணாவை அவமதிப்பதை அதிமுக வேடிக்கை பார்த்ததாக முதல்வர் மு.க. ஸ்டாலின் சாடல். கட்சியை அடகு வைத்தவர்கள், தற்போது தமிழ்நாட்டை அடகு வைக்க பார்ப்பதாகவும் விமர்சனம்.
அண்ணாவின் கொள்கைகளுக்கு மாறாக திமுக செயல்படுகிறது என பழனிசாமி விமர்சனம். எங்கள் குருதியில் குடியிருக்கும் அண்ணாவை விட்டுக்கொடுக்க மாட்டோம் என்றும் பதிவு.
தமிழகத்தில் 2026இல் பாஜக கூட்டணி ஆட்சி அமையும் என தமிழக பாஜக தலைவர் நயினார் நாகேந்திரன் உறுதி.
பாஜகவுடன் கூட்டணி சேர்ந்துள்ள அதிமுக எச்சரிக்கையாக இருக்க வேண்டும் என விடுதலை சிறுத்தைகள் கட்சித் தலைவர் திருமாவளவன் வேண்டுகோள்.
சர்வதேச விண்வெளி நிலையத்தில் விவசாயம் உள்ளிட்ட ஆய்வுகளில் ஈடுபடும் சுபான்ஷு சுக்லா. விண்வெளியில் இருந்து பூமியைப் பார்க்கும் பாக்கியசாலிகளில் நானும் ஒருவன் என உருக்கம்.
ரயில் கட்டணத்தை உயர்த்துவது குறித்து பிரதமர் மோடிதான் முடிவெடுப்பார் என மத்திய இணை அமைச்சர் சோமண்ணா புதிய தலைமுறைக்கு பிரத்யேக பேட்டி.
பொறியியல் படிப்புகளுக்கான தரவரிசை பட்டியல் இன்று வெளியீடு. உயர் கல்வித்துறை அமைச்சர் கோவி. செழியன் பட்டியலை வெளியிடுகிறார்.
கர்நாடக அணைகளில் இருந்து விநாடிக்கு 80 ஆயிரம் கனஅடி நீர் திறப்பு. மேட்டூர் அணையின் நீர்மட்டம் 113.05 அடியாக உயர்வு.
பொள்ளாச்சி அருகே கனமழையால் வீடுகளுக்குள் புகுந்த மழைநீர். நீலகிரி, கோவை மாவட்டங்களில் இன்று கனமழைக்கு வாய்ப்புள்ளதாக வானிலை ஆய்வு மையம் தகவல்.
கேரளாவில் அதிரப்பள்ளி நீர்வீழ்ச்சி அருகே காட்டாற்று வெள்ளத்தில் சிக்கிய யானை. நீண்ட நேரத்துக்கு பின் கரையை அடைந்தது.
திருவள்ளூர் அருகே சினிமா பாணியில் காரில் தொங்கியபடி ரவுடியை பிடிக்க முயன்ற காவலர். ரவுடி தள்ளிவிட்டதில் காரில் இருந்து கீழே விழுந்த அதிர்ச்சி காட்சிகள்.
மதுரை ஆதீனம் மீது சைபர் கிரைம் காவல் துறையினர் வழக்குப்பதிவு. தம்மை கொல்ல முயன்றதாக கூறிய புகாரில் உண்மையில்லை என தெரியவந்ததால் நடவடிக்கை.