இஸ்ரேல் - ஈரான் இடையே ஆறாவது நாளாக மோதல். ஈரான் மீது தாக்குதல் நடத்துவது குறித்து இன்னும் முடிவு செய்யவில்லை என அமெரிக்க அதிபர் ட்ரம்ப் பதில்.
அமெரிக்க அதிபர் ட்ரம்புடன், பாகிஸ்தான் ராணுவ தளபதி ஆசிம் முனீர் சந்திப்பு. இந்தியாவுடன் போரை தொடராமல் இருந்ததற்கு, முனீரிடம் நன்றி தெரிவித்ததாக ட்ரம்ப் விளக்கம்.
பாகிஸ்தான் கேட்டுக் கொண்டதால்தான் போரை நிறுத்தியதாக அமெரிக்க அதிபர் ட்ரம்ப்பிடம் பிரதமர் மோடி விளக்கம். 3ஆம் தரப்பு மத்தியஸ்தத்தை ஒரு போதும் ஏற்க மாட்டோம் என்றும் திட்டவட்டம்.
போர் நிறுத்தம் குறித்து ட்ரம்ப்பிடம் கூறியதை எதிர்க்கட்சிகளிடம் பிரதமர் மோடி கூறாதது ஏன் என காங்கிரஸ் கேள்வி. சர்ச்சைக்குரிய விஷயம் குறித்து பேச 37 நாட்களானது ஏன் என்றும் வினா.
இந்தியா - பாகிஸ்தான் இடையேயான போரை தாமே நிறுத்தியதாக ட்ரம்ப் மீண்டும் திட்டவட்டம். இந்தியாவுடன் வர்த்தக ஒப்பந்தம் செய்ய உள்ளதாகவும் பேட்டி.
குரோஷியா பிரதமர் ஆண்ட்ரெஜூடன் பிரதமர் நரேந்திர மோடி சந்திப்பு. பிரச்சினைகளுக்கு போர் ஒருபோதும் தீர்வாகாது என பேச்சு.
ஐஎஸ்ஐஎஸ் பயங்கரவாத இயக்கத்துக்கு ஆள் சேர்த்த புகார். தமிழகத்தில் மேலும் 4 பேரை கைது செய்தது தேசிய புலனாய்வு முகமை.
அதிமுகவுடன் கூட்டணி வைப்பதில் பிரச்சினை இல்லை என விசிக தலைவர் திருமாவளவன் கருத்து. பாஜக இருப்பதால் அந்த கூட்டணியில் சேர முடியாது என்றும் பேச்சு.
சாதிவாரி கணக்கெடுப்பு நடத்த முதல்வர் ஸ்டாலினுக்கு பயம் ஏன்? என பாமக தலைவர் அன்புமணி கேள்வி.
'ஒற்றை சிறகு ஓவியா' புத்தகத்துக்காக விஷ்ணுபுரம் சரவணனுக்கு பால சாகித்ய புரஸ்கார் விருது அறிவிப்பு. கூத்தொன்று கூடிற்று சிறுகதைக்காக எழுத்தாளர் லட்சுமிஹர்ருக்கு யுவ புரஸ்கார் விருது.
சென்னை திருவிக நகரில் லாரி மோதிய விபத்தில் 10 வயது சிறுமி உயிரிழந்த விவகாரம். பீக் ஹவர்ஸில் தண்ணீர் லாரி, பொதுசாலையில் சென்றதை தடுக்க தவறியதாகக் கூறி போக்குவரத்து ஆய்வாளர் சஸ்பெண்ட்.
வாணியம்பாடியில் தனியார் மருத்துவமனையில் இருதரப்பினர் இடையே மோதல். 5 பேரை கைது செய்து காவல் துறையினர் விசாரணை.
ஆபரேஷன் சிந்து நடவடிக்கை மூலம் ஈரானில் இருந்து இந்தியர்களை மீட்கும் மத்திய அரசு. முதற்கட்டமாக 110 பேர் டெல்லி வந்தடைந்தனர்.
வெளிநாடுகளுக்கான விமான சேவையை 15 விழுக்காடு குறைத்த ஏர் இந்தியா. சிறந்த செயல் திறனை உறுதி செய்வதற்கான நடவடிக்கை என விளக்கம்.
இங்கிலாந்துக்கு எதிரான டெஸ்ட் போட்டியில் நான்காவது வரிசையில் ஷுப்மன் கில் களமிறங்குவார். இந்திய டெஸ்ட் கிரிக்கெட் அணியின் துணை கேப்டன் ரிஷப் பந்த் தகவல் .