ஸ்பேஸ் டாக்கிங் திட்டத்திற்காக வெற்றிகரமாக விண்ணில் பாய்ந்தது பிஎஸ்எல்வி-C 60 ராக்கெட். இரு விண்கலங்களும் திட்டமிட்டபடி சுற்றுவட்டப்பாதையில் நிலைநிறுத்தப்பட்டதாக இஸ்ரோ தலைவர் அறிவிப்பு.
கன்னியாகுமரியில் திருவள்ளுவர் சிலை - விவேகானந்தர் பாறை இடையே கட்டப்பட்ட கண்ணாடி பாலத்தை திறந்து வைத்தார் முதலமைச்சர் மு.க. ஸ்டாலின்.
கடலில் கம்பீரத்துடன் நிற்கும் திருவள்ளுவர் சிலைக்கு பேரறிவு சிலை என பெயர் சூட்டினார். சென்னை அண்ணா பல்கலைக்கழகத்தில் தேசிய மகளிர் ஆணைய குழுவினர் நேரில் விசாரணை.
அண்ணா பல்கலைக்கழக மாணவி பாதிக்கப்பட்ட விவகாரத்தில் திமுக அரசை கண்டித்து அதிமுகவினர் போராட்டம். மேலும், மாணவிக்கு நீதி கிடைக்கும் வரை போராட்டம் தொடரும் என எடப்பாடி பழனிசாமி அறிவிப்பு.
தமிழக ஆளுநர் ஆர்என் ரவியுடன் பாஜக மாநிலத்தலைவர் அண்ணாமலை சந்திப்பு. அண்ணா பல்கலைக்கழக மாணவி பாலியல் வன்கொடுமை சம்பவம் குறித்து புகார் மனு.
தமிழகத்தில் சட்டம் ஒழுங்கை பாதுகாக்க வேண்டும், பெண்களின் பாதுகாப்பை உறுதி செய்ய வேண்டும் என ஆளுநரிடம் விஜய் நேரில் வலியுறுத்தல்.
தமிழகத்தின் பாதுகாப்பு குறித்து கேள்வி எழுப்பும் விஜய் பீகார், ஒடிஷாவுக்கு சென்று பார்க்க வேண்டும் என அமைச்சர் ரகுபதி விமர்சனம்.
ஜனநாயக விரோத நடவடிக்கைகளை மக்கள் வெகுகாலம் வேடிக்கை பார்க்க மாட்டார்கள் என நிர்வாகிகள் கைது செய்யப்பட்ட சம்பவத்திற்கு தமிழக வெற்றிக் கழகத்தின் தலைவர் விஜய் கண்டனம்.
சீமானுக்கு எதிரான வழக்கில் காவல்துறை அதிகாரி வருண் நீதிமன்றத்தில் ஆஜர். மேலும், சீமானின் மிரட்டலுக்கு அஞ்ச மாட்டேன் என்றும் பேட்டி.
யூ-டியூபர் டிடிஎஃப் வாசன் பாம்புடன் இருக்கும் வீடியோவை பகிர்ந்த விவகாரம். சென்னை திருவொற்றியூரில் செல்லப்பிராணிகள் விற்பனையகத்தில் வனத்துறையினர் சோதனை.
கும்பகோணம் மாநகராட்சி கூட்டத்தில் திமுக கவுன்சிலர் குட்டி தட்சிணாமூர்த்திக்கும், மாநகராட்சி காங்கிரஸ் கட்சி மேயர் சரவணனுக்கும் இடையே வாக்குவாதம். இந்நிலையில், மேயர் கொலை செய்யப்பார்க்கிறார் என கவுன்சிலர் கூச்சல். மேலும், நெஞ்சு வலிப்பதாக கூறி கீழே விழுந்து மேயர் அலறல்.
2024ஆம் ஆண்டில் உலக மக்கள் தொகை 7 கோடியே 10 லட்சம் அதிகரித்துள்ளதாக அமெரிக்க அரசு கணிப்பு. கடந்தாண்டை விட பிறப்புகள் 0.9% குறைவு என்றும் அறிக்கை.