ராகுல் காந்தியுடன் கைகுலுக்கிய மட்டற்ற மகிழ்ச்சியில் துள்ளிய மாணவி!

புதுச்சேரியில் சுற்றுப்பயணம் செய்த ராகுல் காந்தி, பாரதிதாசன் அரசுக் கல்லூரியில் மாணவியருடன் கலந்துரையாடினார். அப்போது, மாணவி ஒருவரின் விருப்பத்தை ஏற்று, அவருக்கு ஆட்டோகிராஃப் போட்டுக் கொடுத்தார். இதில் மகிழ்ந்துபோன அந்த மாணவி, ராகுல் காந்தியுடன் கைகுலுக்கினார். இவற்றையெல்லாம் நம்ப முடியாத அவர், அதீத ஆர்வத்தில் துள்ளிக்குதித்தார். மாணவியின் உற்சாகத்தைப் புரிந்து கொண்ட ராகுல் காந்தி, மண்டியிட்டு மாணவியின் தோளில் கை போட்டு புகைப்படம் எடுத்துக் கொண்டார். எனினும் அந்த மாணவி, நடந்தது எதையும் நம்ப முடியாமல் கண்களில் ஆனந்த கண்ணீர் வழிய உற்சாகத்தில் திளைத்தார்.