குஜராத் உள்ளாட்சி தேர்தல் : 576 சீட்களில் 409 சீட்களை வென்றது பாஜக

குஜராத்தில் உள்ள அகமதாபாத், வதோத்ரா, சூரத், ஜாம்நகர், ராஜ்கோட், பாவ்நகர் ஆகிய ஆறு நகராட்சிகளுக்கான உள்ளாட்சி தேர்தலின் வாக்குகளை எண்ணும் பணி நடைபெற்று வருகிறது. இதில் மொத்தமுள்ள 576 சீட்களில் 409 சீட்களை வென்றுள்ளது பாஜக. இதன் மூலம் அகமதாபாத், சூரத், ஜாம்நகர், ராஜ்கோட் என நான்கு நகராட்சிகளை பாஜக கைப்பற்றியுள்ளது. 

காங்கிரஸ், ஆம் ஆத்மி, பகுஜன் சமாஜ் மற்றும் இந்திய மஜ்லிஸ் முஸ்லிமீன் கட்சியும் இந்த தேர்தலில் போட்டியிட்டன. 

சூரத்தில் 93 இடங்கள், ராஜ்கோட்டில் 68 இடங்கள், ஜாம்நகரில் 50 இடங்கள், பாவ்நகரில் 44 இடங்களை கைப்பற்றியுள்ளது பாஜக.