ரஷ்ய அதிபர் விளாடிமிர் புடினை சந்தித்து பேசிய இந்திய தேசிய பாதுகாப்பு ஆலோசகர் அஜித் தோவல். அமெரிக்கா, இந்தியாவுக்கு வரி கட்டுப்பாடுகளை விதித்து வரும் நிலையில், கவனம் பெற்ற சந்திப்பு.
அமெரிக்காவின் வரி விதிப்புக்கு மத்தியில், பிரதமர் மோடியுடன் பிரேசில் அதிபர் தொலைப்பேசியில் உரையாடல். வர்த்தகம், தொழில்நுட்பம், எரிசக்தி, பாதுகாப்பு உள்ளிட்ட துறைகளில் ஒத்துழைப்பு நல்க இருவரும் சம்மதம்.
டெல்லியில் உள்ள இல்லத்தில் இந்தியா கூட்டணி தலைவர்களுக்கு விருந்தளித்த எதிர்க்கட்சித் தலைவர் ராகுல் காந்தி. தேர்தல் ஆணையத்திற்கு எதிரான குற்றச்சாட்டுகள் குறித்து கூட்டணி கட்சியினருக்கு விளக்கி, ஆதாரங்களை சமர்ப்பித்ததாகவும் தகவல்.
தேர்தலில் மக்கள் அளிக்கும் முடிவை அவமதிக்கும் வகையில் ராகுல் காந்தி பேசுகிறார். ஆட்சியை பிடிக்க முடியாத விரக்தியால், தனது தன்மையை இழந்துவிட்டதாகவும் மத்திய அமைச்சர் தர்மேந்திர பிரதான் விமர்சனம்.
இலங்கை சிறையில் வாடும் தமிழக மீனவர்களை விடுவிக்க தூதரக ரீதியிலான நடவடிக்கை எடுக்க வேண்டும். வெளியுறவுத்துறை அமைச்சர் ஜெய்சங்கருக்கு முதல்வர் மு.க.ஸ்டாலின் கடிதம்.
இந்திய கம்யூனிஸ்ட் கட்சி கொள்கை இல்லாததாலேயே, செல்வாக்கை இழந்துவிட்டது. ராஜபாளையம் பரப்புரைக் கூட்டத்தில் பழனிசாமி மீண்டும் சாடல்..
சென்னை ரிப்பன் மாளிகை முன்பு போராடும் தூய்மை பணியாளர்கள் கலைந்து செல்ல காவல்துறை ஆணை. உத்தரவை மீறி போராட்டத்தை தொடர்ந்தால் வழக்குப்பதிந்து கைது நடவடிக்கை என்றும் எச்சரிக்கை.
திருப்பூரில் வரதட்சணை கொடுமையால் இளம்பெண் தற்கொலை வழக்கில் கணவர் உட்பட 3 பேர் கைது. ஆர்.டி.ஓ. விசாரணை அறிக்கையின் அடிப்படையில் நடவடிக்கை எடுக்கப்படும் என காவல் துறை தகவல்.
சேலம் ஆத்தூரில் நகைக்கடை உரிமையாளர்கள் மீது ஆசிட் வீசி, துணிகர கொள்ளை முயற்சி. தப்பியோட முயன்ற இருவரும் சிக்கினர்; துப்பாக்கி பறிமுதல்
சென்னை அம்பத்தூரில் வீட்டில் சிலிண்டர் வெடித்துச் சிதறி விபத்து. பதற வைக்கும் சிசிடிவி காட்சிகள்.
திருவண்ணாமலை, வேலூர், திருப்பத்தூர் மாவட்டங்களுக்கு இன்று ஆரஞ்ச் அலர்ட. வேலூர், செய்யாறு பகுதிகளில் கொட்டிய கனமழை.
சேலத்தில் களைகட்டிய வண்டி வேடிக்கை நிகழ்ச்சி. மக்கள் வெள்ளத்திற்கு நடுவே, கடவுள் வேடமணிந்த பக்தர்களுடன் வலம் வந்த அலங்கார வண்டிகள்.
பருவநிலை மாற்றம் குறித்து விழிப்புணர்வு பயணம். 20 ஆயிரம் கிலோ மீட்டர் தூரத்திற்கு நடந்துசென்ற விலங்கு பொம்மைகள்.
சென்னையில் முதல் பேடல் விளையாட்டு மையத்தை தொடங்கினார் எம்.எஸ்.தோனி. திறப்பு விழாவில் பங்கேற்ற ருத்துராஜ் கெய்க்வாட், அனிருத் உடன் பேடல் விளையாடி உற்சாகம்.
பாக்ஸ் ஆஃபிஸ் வருமானத்தில் புதிய சாதனைப் படைத்த ‘சைய்யாரா’..படத்தின் கிளைமாக்ஸை உருவாக்க, செயற்கை நுண்ணறிவு செயலியான ChatGPT-ஐ பயன்படுத்தியதாக படக்குழு தகவல்.