கச்சத்தீவை மீட்பது குறித்து இன்று பேரவையில் தீர்மானம் கொண்டு வருகிறார் முதல்வர் மு.க.ஸ்டாலின். மேலும், இலங்கை செல்லும் பிரதமர், மீனவர்களை விடுவிக்க நடவடிக்கை எடுக்கவும் வலியுறுத்தி தீர்மானம்.
நாடாளுமன்றத்தில் வக்ஃப் திருத்த மசோதா இன்று தாக்கல். தவறாமல் பங்கேற்குமாறு தங்கள் கட்சி எம்பிகளுக்கு பாஜக, காங்கிரஸ் உத்தரவு.
திமுக கரை வேட்டி கட்டிவிட்டால், நெற்றியில் பொட்டு இருந்தால் அழித்துவிட வேண்டும் என திமுக மாணவர் அணி செயலாளர்கள் கூட்டத்தில் எம்பி ஆ.ராசா பேச்சு.
நித்யானந்தா இறந்து விட்டதாகப் பரவிய தகவலுக்கு முற்றுப்புள்ளி வைத்த கைலாசா தரப்பு. கேஜிஎஃப் படத்தின் பிஜிஎம் உடன் நித்யானந்தா பேசும் வீடியோ வெளியீடு.
நாமக்கல் அருகே ஆன்லைன் ரம்மியில் 25 லட்சம் ரூபாய் பணத்தை இழந்த வங்கி துணை மேலாளர் தற்கொலை. கடன் அதிகம் பெற்ற நிலையில், பணத்தை இழந்ததால் மனமுடைந்து விபரீத முடிவு.
புதுக்கோட்டை அருகே சாலையில் சென்றபோது தீப்பற்றி எரிந்த இருசக்கர வாகனம். படுகாயமடைந்த 9 வயது சிறுவன் உயிருக்கு ஆபத்தான நிலையில் மருத்துவமனையில் அனுமதி.
மியான்மரில் கடந்த 4 நாட்களாக பகலிரவு பாராமல் தொடரும் மீட்புப் பணிகள். நூற்றுக்கணக்கான குடியிருப்புகள் இடிந்து விழுந்துள்ளதால் இந்தியா, ரஷ்யா, சீன உள்ளிட்ட நாடுகள் உதவிக் கரம்.
இந்தியா உட்பட அனைத்து நாடுகளுக்கும் பரஸ்பர வரி விதிப்பு. இன்று அறிவிப்பை வெளியிடுகிறார் அமெரிக்க அதிபர் ட்ரம்ப்.
ஐபிஎல் லீக் போட்டியில் லக்னோவை வீழ்த்தி பஞ்சாப் அசத்தல் வெற்றி. 34 பந்துகளில் 69 ரன்கள் விளாசிய பிரப்சிம்ரன் சிங்.
தெலங்கானாவில் நடைபெற்ற இளவட்டக்கல் தூக்கும் போட்டியில் வென்ற நெல்லை பெண்கள். 100 கிலோ எடைப் பிரிவில் முதல் பரிசும், 65 கிலோ எடை பிரிவில் 2ஆம் பரிசும் பெற்று அசத்தல்
ஜி.வி.பிரகாஷ் குடும்பப் பிரச்னைக்கும், தனக்கும் எந்த தொடர்பும் இல்லை என நடிகை திவ்ய பாரதி பகிரங்கமாக விளக்கம். நெகட்டிவ்களை பரப்ப வேண்டாம், எல்லையை கடந்து பேச வேண்டாம் என்றும் பதிவு.