தமிழகத்தில் 4 ஆயிரத்துக்கு கீழ் குறைந்தது தினசரி ஒருநாள் கொரோனா பாதிப்பு

தமிழகத்தில் ஒருநாள் கொரோனா பாதிப்பு 4,519இல் இருந்து 3,971ஆக குறைந்துள்ளதாக மருத்துவத்துறை தெரிவித்திருக்கிறது.

தமிழகத்தில் 1,10,494 மாதிரிகள் பரிசோதனை செய்யப்பட்டதில் ஒருநாள் கொரோனா பாதிப்பு 3,971ஆக உள்ளது. தமிழகத்தில் இன்று 28 பேர் உயிரிழந்துள்ளனர். தனியார் மருத்துவமனைகளில் 12 பேரும், அரசு மருத்துவமனைகளில் 16 பேரும் உயிரிழந்துள்ளனர். இதனால் உயிரிழந்தோரின் மொத்த எண்ணிக்கை 37,837ஆக உள்ளது.

தமிழகத்தில் கொரோனாவுக்கு 77,607 பேர் சிகிச்சைபெற்று வருகின்றனர். அதில், 652 பேர் ஐசியுவில் சிகிச்சையில் உள்ளனர். 16,473பேர் குணமாகி வீடு திரும்பியுள்ளனர். இதனால் கொரோனாவிலிருந்து குணமடைந்தோர் எண்ணிக்கை 33,09,032ஆக உள்ளது. தற்போது தமிழகத்தில் தொற்று உறுதியாகும் சதவீதம் 3.9 ஆக குறைந்துள்ளது.