மிஷ்கின் இயக்கத்தில் உருவாகவுள்ள பிசாசு -2 படமானது பூஜையுடன் தொடங்கியது.
இயக்குநர் பாலா தயாரிப்பில் இயக்குநர் மிஷ்கின் இயக்கத்தில் கடந்த 2014 ஆம் ஆண்டு வெளியான படம் 'பிசாசு'. இந்தப் படம் வெளியாகி மக்களிடம் நல்ல வரவேற்பை பெற்ற நிலையில், அதனைத்தொடர்ந்து மிஷ்கின் இயக்கிய துப்பறிவாளன், சைக்கோ உள்ளிட்டப் படங்களும் நல்ல வரவேற்பை பெற்றன.
இந்நிலையில், தற்போது பிசாசு படத்தின் இராண்டாம் பாகம் உருவாக உள்ளது. இந்தப்படத்தை ராக்போர்ட் என்டர்டைன்மென்ட் டி முருகானந்தம் தயாரிக்கிறார். மிஷ்கின் இயக்கத்தில் உருவாக இருக்கும் இப்படத்தில் ஆண்டிரியா முக்கிய கதாபாத்திரத்தில் நடிக்க இருக்கிறார். துணை கதாபாத்திரத்தில் நடிகை பூர்ணா நடிக்கிறார். கார்த்திக் ராஜா இசையமைக்கும் இப்படத்திற்கு சிவா சாந்தகுமார் ஒளிப்பதிவு செய்கிறார்.
இன்று ‘பிசாசு 2’ பட வேலைகள் பூஜையுடன் தொடங்கியுள்ள நிலையில், திண்டுக்கல்லில் படப்பிடிப்பு நடத்துவதற்காக பிரம்மாண்ட செட் அமைப்பதற்கான வேலைகள் நடைபெற்றன. இப்படத்தின் படப்பிடிப்பு அடுத்த மாதம் தொடங்கி ஒரே கட்டமாக படப்பிடிப்பை முடிக்க படக்குழுவினர் திட்டமிட்டுள்ளனர்.