`கூலி' படத்திற்கு பிறகு லோகேஷ் கனகராஜ் இயக்கவுள்ளது தெலுங்குப் படம் எனச் சொல்லப்படுகிறது. மேலும் அந்தப் படத்தில் அல்லு அர்ஜூன் நடிப்பார் எனவும், இதன் படப்பிடிப்புகள் 2026 இறுதியில் துவங்கும் எனவும் சொல்லப்படுகிறது.
நலன் குமாரசாமி இயக்கத்தில் கார்த்தி நடித்துள்ள படம் `வா வாத்தியார்'. இந்தப் படத்தின் தெலுங்குப் பதிப்பிற்கு `அண்ணாகாரு ஒஸ்தாரு' (Annagaru Vostaru) எனப் பெயரிடப்பட்டுள்ளது. இதன் டீசர் தற்போது வெளியாகியுள்ளது.
`போர் தொழில்' இயக்குநர் விக்னேஷ் ராஜா படத்தை முடித்தபின் ராஜ்குமார் இயக்கும் படத்தில் நடிக்கிறார், தனுஷ். இதில் நாயகியாக சாய் பல்லவி நடிப்பார் என தகவல். இப்போது இந்தப் படத்தில் மம்மூட்டியும் ஒரு முக்கியப் பாத்திரத்தில் நடிக்க உள்ளதாகச் சொல்லப்படுகிறது.
பிரபுதேவா நடிப்பில் உருவாகிவரும் படம் `மூன் வாக்'. இந்தப் படத்திற்கு ஏ.ஆர்.ரஹ்மான் இசையமைக்கிறார். இப்படத்தின் போஸ்டர்கள் இன்றிலிருந்து - நவம்பர் 30 வரை தினமும் ஒன்று வெளியாகவுள்ளது. முதல் போஸ்டர் இன்று வெளியானது.
ரவி மோகன் நடிப்பில் அர்ஜுனன் இயக்கியுள்ள படம் `ஜீனி'. இந்தப் படத்தை டிசம்பர் இறுதியில் வெளியிட முடிவு செய்துள்ளதாம் தயாரிப்பு நிறுவனமான வேல்ஸ் பிலிம் இன்டர்நேஷனல்.
சுதா கொங்கரா இயக்கத்தில் நடித்துள்ள `பராசக்தி' படத்தின் டப்பிங் பணிகளை துவங்கினார் சிவகார்த்திகேயன்.
நடிகர் லிவிங்ஸ்டன் மகள் ஜோவிட்டா லிவிங்ஸ்டன், KS கிஷன் இயக்கும் படத்தில் கதாநாயகியாக அறிமுகமாகிறார். இதில் லிவிங்ஸ்டனும் ஒரு பாத்திரத்தில் நடிக்கிறார்.
துல்கர் சல்மான் நடிப்பில் உருவாகிவரும் மலையாளப் படம் `I'm Game'. `RDX' படம் மூலம் கவனம் ஈர்த்த நிஹால் இயக்கியுள்ள இப்படத்தின் ஃபர்ஸ்ட் லுக் இன்று வெளியாகியுள்ளது.
பிரஷாந்த் நீல் இயக்கத்தில் ஜுனியர் என்.டி.ஆர் நடித்து வரும் படத்தில் அனில் கபூர் இணைந்துள்ளார் என தகவல்.
ஃபர்ஹான் அக்தர் நடித்து நவம்பர் 21 வெளியான இந்திப்படம் `120 Bahadur'. 1962ஆம் ஆண்டு சீன-இந்தியப் போரை நடத்திய 13 Kumaon Regiment பற்றிய படமாக உருவாகியுள்ள இப்படத்திற்கு இன்று முதல் டெல்லியில் வரிவிலக்கு என அறிவித்துள்ளார் டெல்லியின் முதலமைச்சர் ரேகா குப்தா.