அரசியல் தலைவர் கும்மடி நரசய்யா வாழ்க்கை வரலாறு படமாகிறது. கிராம தலைவராக தன் பொது வாழ்க்கையை துவங்கியவர் 1983 முதல் 1994 வரையிலும், பின்னர் 1999 முதல் 2009 வரையிலும், யெல்லந்து தொகுதியில், சுயேச்சை வேட்பாளராக, பலமுறை சட்டமன்ற உறுப்பினராக பணியாற்றியவர்.
`கும்மடி நரசய்யா' பெயரிலேயே உருவாகும் இப்படத்தில் கும்மடி நரசய்யாவாக கன்னட நடிகர் சிவராஜ்குமார் நடிக்கிறார். நடிகர் பரமேஷ்வர் ஹிவ்ராலே இப்படத்தை இயக்குகிறார். இன்று இப்படத்தின் ஃபர்ஸ்ட் லுக் போஸ்டர் மற்றும் கான்சப்ட் வீடியோ வெளியிடப்பட்டுள்ளது. PAN INDIA படமாக உருவாகும் இப்படத்தின் படப்பிடிப்பு விரைவில் தொடங்கவுள்ளதாக தயாரிப்பாளர்கள் அறிவித்துள்ளனர். தெலுங்கில் உருவாகும் இப்படம் தமிழ், மலையாளம், கன்னடம், இந்தி ஆகிய மொழிகளிலும் வெளியாகவுள்ளது.
தற்போது சிவராஜ்குமார் நடிப்பில் அர்ஜூன் ஜென்யா இயக்கத்தில் உபேந்திரா, ராஜ் பி ஷெட்டியுடன் `45', நெல்சன் இயக்கத்தில் ரஜினிகாந்துடன் `ஜெயிலர் 2', போன்ற படங்களில் நடித்திருக்கிறார். அடுத்ததாக புஜ்ஜி பாபு சனா இயக்கத்தில் ராம்சரணுடன் `பெத்தி', ரோஹித் இயக்கத்தில் `உத்ரகர்நாடகா' மற்றும் ஹேமந்த் எம் ராவ் இயக்கம் `666 Operation Dream Theater' ஆகிய படங்களில் நடித்து வருகிறார். இந்த பட்டியலில் புதிதாக `கும்மடி நரசய்யா' படமும் இணைந்துள்ளது.