படப்பிடிப்பில் விபத்து: ’ஜேம்ஸ்பாண்ட்’ டேனியல் கிரேக் காயம்

படப்பிடிப்பில் நடந்த விபத்தில் ஜேம்ஸ்பாண்ட் நடிகர் டேனியல் கிரேக், காயம் அடைந்தார். இதையடுத்து படப்பிடிப்பு நிறுத்தப்பட்டுள்ளது. 

பாண்ட் பட வரிசையின் 25 வது படம், இப்போது தயாராகி வருகிறது. கேரி ஜோஜி புகுனகா இயக்கும் இந்தப் படத்தில் ’ஜேம்ஸ்பாண்ட்’ டேனி யல் கிரேக்குடன் ரால்ப் பியென்னஸ், நவோமி ஹாரிஸ், ராமி மலேக், ஜெஃப்ரி ரைட் உட்பட பலர் நடிக்கின்றனர். இதன் ஷூட்டிங் ஜமைக் காவில் நடந்து வந்தது. ஆக்‌ஷன் காட்சிகள் படமாக்கப்பட்டு வந்தன. 

வில்லனை ஓடிச் சென்று பிடிப்பது போன்ற காட்சியில், டேனியல் கோட் சூட்டுடன் ஓடினார். அப்போது தடுமாறி விழுந்ததில் அவர் கணுக்காலி ல் பலத்த காயம் ஏற்பட்டது. உடனடியாக அவரை மருத்துவமனையில் சேர்த்தனர். அங்கு சிகிச்சை அளிக்கப்பட்டது. இதன் காரணமாக, படப் பிடிப்பு தள்ளி வைக்கப்பட்டுள்ளது.

‘’இது பெரிய காயமில்லை. படப்பிடிப்பு விரைவில் தொடங்கும்’’ என்று படக்குழு தெரிவித்துள்ளது. இந்தப் படத்தை, அடுத்த வருடம் ஏப்ரல் 8 ஆம் தேதி வெளியிட முடிவு செய்துள்ளனர்.