அஜித் இரட்டை வேடத்தில் நடிப்பதாக தகவல் கசிய தொடங்கியுள்ளது.
இயக்குநர் சிவா நான்காவது முறையாக அஜித்துடன் இணைகின்ற திரைப்படம் ‘விசுவாசம்’. அந்தப் படத்தின் படப்பிடிப்பு ஹைதராபாத்தில் நடைப்பெற்று வருகிறது. அதற்காக கடந்த ஞாயிற்றுக் கிழமைதான் அஜித் ஹைதராபாத் சென்றார். அங்கே மிக பிரமாண்டமாக கிராமத்து செட் அமைக்கப்பட்டிருந்தது. அதில் அஜித்திற்கான காட்சிகள் படமாக்கப்பட்டு வருகின்றன.
இந்நிலையில் அந்தப் படத்தில் அஜித் இரட்டை வேடத்தில் நடித்து வருவதாக தகவல் கசியத் தொடங்கியுள்ளது. இதுவரை அந்தத் தகவல் ரகசியமாக வைக்கப்பட்டு வந்தது. இது குறித்து பட வட்டாரத்தினர் கூறிய போது “ அஜித் ‘பில்லா’வில் இரட்டை வேடத்தில் நடித்திருந்தார். அது ஆக்ஷன் படம். பில்லாவை போல் 'விசுவாசம்' படமும் ஆக்ஷன் அவதாரமாக வர உள்ளது. அப்புறம் பாருங்கள் அஜித்தின் அமர்க்களத்தை” என்கிறார்கள்.
இந்தப் படத்தில் அஜித்திற்கு ஜோடியாக நயன் நடிக்க ஒப்பந்தமாகி இருக்கிறார். காமெடி கலந்தக் கதையாகவும் இது அமைய உள்ளது. அஜித் படத்திற்கு டி இமான் முதன்முறையாக இசையமைக்கிறார். இதற்கான காட்சிகள் படமாக்கப்பட்டு வருவதாகவும் அது மகிழ்ச்சியளப்பதாகவும் ட்விட்டரில் தெரிவித்திருந்த இமான் அதற்கான படங்களையும் பகிர்ந்து கொண்டிருந்தார்.