’விஜய் 66’ செண்டிமெண்ட் படமாகவே இருக்கும்: இயக்குநர் வம்சி

விஜயின் 66-வது படம் செண்டிமெண்ட் திரைப்படமாகவே உருவாகவுள்ளது என இயக்குநர் வம்சி தெரிவித்துள்ளார்.

நெல்சன் திலீப் குமார் இயக்கத்தில் ’பீஸ்ட்’ படத்தின் இறுதிகட்ட பணிகள் நடந்து வரும் நிலையில், அடுத்ததாக தமிழ், தெலுங்கில் உருவாகும் படத்தில் விஜய் 'விஜய் 66’ படத்தில் நடிக்கவுள்ளார். ’தோழா’ உள்ளிட்ட பல படங்களை இயக்கிய வம்சி இயக்கும் இந்தப்படத்தின் படப்பிடிப்பு அடுத்தாண்டு ஜனவரியில் தொடங்கும் என எதிர்பார்க்கப்படுகிறது. இந்நிலையில், விஜயின் 66-வது படம் ஆக்‌ஷன் படமாக இருக்காது எனவும், உணர்வுகள் நிரம்பிய வகையிலேயே அந்தப் படத்தின் திரைக்கதை அமைக்கப்பட்டு இருப்பதாகவும் இயக்குநர் வம்சி தெரிவித்துள்ளார்.