பங்குச்சந்தைகள் இன்றைய நேர முடிவில் சென்செக்ஸ் மற்றும் நிஃப்டி சரிவையொட்டி நிறைவடைந்தன.
மும்பை பங்குச் சந்தை குறியீடான சென்செக்ஸ் வாரத்தின் இரண்டாவது நாளான இன்றை நேர இறுதியில் 324 புள்ளிகள் சரிந்து 38,277 புள்ளிகளுடன் நிறைவடைந்தன. சதவிகிதத்தின் அடிப்படையில் இது 0.84% ஆகும். அதில் டாடா மோடார்ஸ், ஐசிஐசிஐ வங்கி, பாரதி ஏர்டெல், ரிலையன்ஸ் இண்டஸ்ட்ரீஸ் மற்றும் வேதாந்தா நிறுவனங்கள் அதிகபட்ச சரிவை சந்தித்தன. மும்பை பங்குச் சந்தை மதிப்பீட்டை கணக்கிட உதவும் 30 நிறுவனங்களில் வெறும் 7 நிறுவனங்களில் பங்குகள் மட்டுமே உயர்வுடன் முடிந்தன.
இதேபோன்று தேசிய பங்குச்சந்தை குறியீடான நிஃப்டி 50 புள்ளிகள் சரிந்து 11,498 புள்ளிகளுடன் முடிவடைந்தது. இது சதவிகிதத்தின் அடிப்படையில் 0.87% ஆகும். ஆனால் ஐடி நிறுவனங்களின் பங்குகள் மட்டும் உயர்வடைந்தது. மீடியாக்களின் பங்குகள் அதிக பட்சம் சரிந்தன. பிஎஸ்யு வங்கி 2.2% வீழ்ச்சி கண்டது. சென்செக்ஸ் மற்றும் நிஃப்டி இரண்டு புள்ளிகளுமே சரிவடைந்த போதிலும், இன்று அட்சய திரிதியை காரணமாக மக்கள் அதிக அளவில் தங்கம் வாங்கிச் சென்றதால், அதன் மதிப்பு உயர்ந்தே காணப்பட்டது.