விரைவில் அமேசான் ஆன்லைன் உணவு சேவை ?

அமேசான் நிறுவனம் ஆன்லைனில் உணவுசேவை அளிக்கும் வர்த்தகத்தை வரும் தீபாவளி முதல் தொடங்க உள்ளதாக தகவல்கள் வெளியாகியுள்ளன.

ஏற்கெனவே சென்னை போன்ற பெரு நகரங்களில் ஆன்லைன் அல்லது செயலி மூலம் உணவை வீட்டுக்கே கொண்டு வரும் ஏராளமான நிறுவனங்கள் இயங்கி வருகின்றன. இப்போது மிகப்பெரிய ஆன்லைன் வணிக நிறுவனமான அமேசான் உணவு விநியோக வர்த்தகத்தில் இறங்க உள்ளதாக தகவல்கள் வெளியாகி இருக்கின்றன. ஏற்கெனவே உணவு சேவை வழங்கும் நிறுவனங்களான SWIGGY, ZOMOTO போன்றவற்றை பாதிக்க வாய்ப்புள்ளதாக கூறப்படுகிறது.

அமேசான் நிறுவனம் ஆன்லைன் உணவுச் சேவையில் களம் இறங்கினால், அதிக தள்ளுபடி, கேஷ்பேக் சலுகை, உணவக உரிமையாளர்களிடமிருந்து குறைந்த கமிஷனை வசூலிப்பது போன்ற செயல்களில் ஈடுபடும் என்பதால் மற்ற உணவுசேவை நிறுவனங்களின் வர்த்தகத்தை பாதிக்க வாய்ப்புள்ளதாகக் கூறப்படுகிறது. அமேசான் ஆன்லைன் உணவு விநியோகத்தை முதலில் பெங்களூருவில் தொடங்கி பின்னர் மற்ற நகரங்களில் விரிவுபடுத்த உள்ளதாகத் தெரிகிறது.