வாக்குப்பதிவின் போது 'தாமரை' முத்திரையை அணிந்திருந்த வானதி ஸ்ரீனிவாசன்..  திமுக புகார்!

கோவையில் பாஜக சின்னமான தாமரை முத்திரையை வாக்குப்பதிவின் போது கோவை தெற்கு தொகுதி வேட்பாளர் வானதி ஸ்ரீனிவாசன் அணிந்திருந்தது தேர்தல் விதிமீறல் என திமுக சார்பில் புகார் அளிக்கப்பட்டுள்ளது.

தேர்தல் ஆணையத்தின் உத்தரவின் படி வாக்குப்பதிவு நாளன்று கட்சி சார்ந்த சின்னம், முத்திரை என எந்தவித அடையாளத்தையும் வாக்குச்சாவடிக்குள் அணியவோ, எடுத்து செல்லவோ கூடாது என சொல்லியுள்ளது. கடந்த 2014ஆம் ஆண்டு அனைத்து மாநிலங்கள் மற்றும் யூனியன் பிரதேசங்கள் ஆகியவைக்கு அனுப்பப்பட்ட கடித்தத்தில் இதை குறிப்பிட்டுள்ளது.

இந்நிலையில், கோவை தெற்கு சட்டமன்ற தொகுதி தேசிய ஜனநாயக கூட்டணி வேட்பாளரும், பாஜக தேசிய மகளிரணி தலைவியுமான வானதி ஸ்ரீனிவாசன் கோவை டாடாபாத் பகுதியில் வாக்களிக்க வந்தபோது, பாஜக சின்னமான தாமரை முத்திரையை தனது புடவையில் குத்தி வந்திருந்தார். இது தேர்தல் விதிமீறல் என திமுக வழக்கறிஞர் அணி மாவட்ட துணை அமைப்பாளர் கிருஷ்ணமூர்த்தி என்பவர் இதை சுட்டிக்காட்டி மாவட்ட தேர்தல் அலுவலரான மாவட்ட ஆட்சியரிடம் புகார் அளித்துள்ளார்.