கணினிக்கான வாட்ஸ் அப் செயலியில் மிக முக்கியமான அப்டேட்டை கொண்டு வந்துள்ளது அந்நிறுவனம்
அதிகமானோரால் பயன்படுத்தப்படும் சேட் (chat) செயலியாக உள்ளது வாட்ஸ் அப். அவ்வப்போது அப்டேட்கள் கொடுக்கப்பட்டு பயனர்களுக்கு வசதியாக மாற்றம் செய்யப்படுகிறது. சின்ன சின்ன அப்டேட்கள் மூலம் பயனர்களை கவர்ந்து வருகிறது வாட்ஸ் அப். செல்போன் மட்டுமின்றி கணினியிலும் வாட்ஸ் அப்பை பயன்படுத்தும் வசதி உள்ளது.
வாட்ஸ் அப் வெப் என்பது மட்டுமின்று கணினிக்கான தனி செயலியும் உண்டு. இந்நிலையில் தற்போது கணினிக்கான வாட்ஸ் அப் செயலியில் மிக முக்கியமான அப்டேட்டை கொண்டு வந்துள்ளது அந்நிறுவனம். அதாவது வீடியோ மற்றும ஆடியோ கால் வசதியை கொண்டுவந்துள்ளது. தற்போது ஒருவருக்கு மட்டுமே ஆடியோ மற்றும் வீடியோ கால் பேசும் வசதி கொண்டு வந்துள்ள வாட்ஸ் அப் விரைவில் குரூப் வாய்ஸ் மற்றும் வீடியோகால் வசதியை கொண்டு வருவோம் என தெரிவித்துள்ளனர்.
இந்த அப்டேட் கணினிக்கான வாட்ஸ் அப் செயலிக்கு மட்டுமே தவிர இணையத்தில் இணைக்கப்படும் வாட்ஸ் அப் வெப்க்கு அல்ல. இந்த அப்டேட் கணினியில் வாட்ஸ் அப் பயன்படுத்தும் பயனர்களுக்கு நிச்சயம் உதவியாக இருக்குமென அந்நிறுவனம் குறிப்பிட்டுள்ளது
