இந்தியாவுக்கு எதிரான முதல் டெஸ்ட் கிரிக்கெட் போட்டியில் டாஸ் வென்ற இங்கிலாந்து அணி பேட்டிங் தேர்வு செய்துள்ளது.
விராட் கோலி தலைமையிலான இந்திய கிரிக்கெட் அணி இங்கிலாந்தில் சுற்றுப்பயணம் மேற்கொண்டு அந்த நாட்டு கிரிக்கெட் அணியுடன் ஐந்து போட்டிகள் கொண்ட டெஸ்ட் தொடரில் விளையாடுகிறது.
இந்த தொடரின் முதல் போட்டி டிரெண்ட் பிரிட்ஜ் மைதானத்தில் நடைபெறுகிறது. “கடந்த முறை நாங்கள் இங்கிலானதுடன் இந்த மைதானத்தில் விளையாடிய போது முதலில் பேட் செய்ய விரும்பினோம். இங்கிலாந்து அப்போது பவுலிங் செய்ய விரும்பியது. இந்த முறை அப்படியே நேர் மாறாக நடந்துள்ளது. ஆட்டத்தின் முதல் ஷெஷனில் விக்கெட்டுகளை கைப்பற்ற விரும்புகிறோம்” என கேப்டன் கோலி தெரிவித்துள்ளார்.
ஆடும் லெவனில் இடம் பெற்றுள்ள வீரர்கள் விவரம்..
இந்தியா
ரோகித் சர்மா, கே.எல். ராகுல், புஜாரா, விராட் கோலி, ரஹானே, ரிஷப் பந்த் (விக்கெட் கீப்பர்), ரவீந்திர ஜடேஜா, ஷர்துல் தாக்கூர், ஜஸ்பிரித் பும்ரா, முகமது ஷமி, முகமது சிராஜ்.
இங்கிலாந்து
ரோரி பர்ன்ஸ், டொமினிக் சிப்லி, ஜாக் கிராவ்லி, ஜோ ரூட் (கேப்டன்), ஜானி பேர்ஸ்டோ, டேனியல் லாரன்ஸ், ஜோஸ் பட்லர் (விக்கெட் கீப்பர்), சாம் கர்ரன், ராபின்சன், ஸ்டூவர்ட் பிராட், ஜேம்ஸ் ஆண்டர்சன்.
