[X] Close

ஆவடி: இருசக்கர வாகன விபத்தில் தந்தை மகள் உயிரிழப்பு!

தமிழ்நாடு

Tragedy-strikes-father-and-daughter-in-two-wheeler-accident

ஆவடி அருகே ஏற்பட்ட சாலை விபத்தில் முன்னாள் தலைமை காவலர் மற்றும் அவரது மகள் பரிதாபமாக உயிரிழந்த சம்பவம் சோகத்தை ஏற்படுத்தியுள்ளது

திருவள்ளூர் அருகே முருக்கஞ்சேரி கிராமத்தைச் சேர்ந்தவர் பாஸ்கர் (40). முன்னாள் தலைமை காவலரான இவர், தனது மகள் ப்ரீத்தியுடன் (13) மீஞ்சூரில் உள்ள தங்கை வீட்டில் இருந்து பைக்கில் வந்து கொண்டிருந்தார்.

அப்போது வண்டலூர்- மீஞ்சூர் 400அடி வெளி வட்டச்சாலை ஆவடியை அடுத்துள்ள மோரை பகுதியில் வரும்போது அவர் ஓட்டிவந்த பைக் நிலை தடுமாறி சாலையில் உள்ள தடுப்பு சுவர் மீது மோதியது. இதில், அவரும் அவரது மகளும் பைக்குடன் தூக்கி வீசப்பட்டு படுகாயம் அடைந்தனர்.


Advertisement

image

இந்த விபத்தில் பாஸ்கர் மண்டை உடைந்து சம்பவ இடத்திலேயே பலியானார். அவரது மகள் ப்ரீத்தி படுகாயத்துடன் உயிருக்கு போராடி கொண்டிருந்தார். இதனையடுத்து அக்கம் பக்கத்தினர் ப்ரீத்தியை மீட்டு பாடியநல்லூர் உள்ள அரசு ஆரம்ப சுகாதார நிலையத்தில் சிகிச்சைக்காக சேர்த்தனர்.

பின்னர், மேல் சிகிச்சைக்காக ஸ்டான்லி மருத்துவமனைக்கு கொண்டு சென்றனர். அங்கு சிகிச்சை பலனின்றி ப்ரீத்தி பரிதாபமாக உயிரிழந்தார். மேலும், தகவலறிந்த சம்பவ இடத்திற்கு விரைந்து வந்த பூந்தமல்லி போக்குவரத்து புலனாய்வு போலீசார் பாஸ்கர் உடலை கைப்பற்றி பிரேத பரிசோதனைக்காக திருவள்ளூர் அரசு பொது மருத்துவமனைக்கு அனுப்பி வைத்தனர்.

Advertisement:

Advertisement

Advertisement
[X] Close