Published : 07,Apr 2021 10:24 PM

தாய்லாந்து: கடைக்குள் புகுந்து அட்டகாசம் செய்த உடும்பு - மிரள வைக்கும் வீடியோ

Viral-video-of-Monitor-Lizard-goes-shopping-in-Thailand

தாய்லாந்தில் கடைக்குள் புகுந்து அட்டகாசம் செய்த உடும்பின் வீடியோ இணையத்தில் வைரலாகி வருகிறது. 

நீங்கள் ஷாப்பிங் செல்லும்போது அங்கு ஷெல்ஃபில் பெரிய மிருகம் ஒன்று இருப்பதைப் பார்த்தால் என்ன செய்வீர்கள்? தாய்லாந்தில் ஒரு ஷாப்பில் சென்றவர்களுக்கு இதுபோன்ற அனுபவம் கிடைத்திருப்பதை சமூக ஊடகங்களில் பகிர்ந்து வருகின்றனர்.

தாய்லாந்தைச் சேர்ந்த ஆண்ட்ரூ மாக் கிரேகர் மார்ஷல் என்ற பத்திரிகையாளர் தனது டிவிட்டர் பக்கத்தில் வீடியோ க்ளிப் ஒன்றை பகிர்ந்துள்ளார். அதில் 7- லெவன் என்ற சூப்பர் மார்க்கெட்டின் ஷெல்ஃபில் பெரிய உடும்பு ஒன்று அங்கு அடுக்கி வைத்திருந்த பொருட்களை தள்ளிக்கொண்டு மேலே ஏறுகிறது. மேலே உள்ள ஷெல்ஃபில் ஏறியபிறகு அங்கு சற்றுநேரம் ஓய்வெடுக்கிறது. வீடியோவில் பலரும் அலறும் சத்தம் கேட்கிறது.

இந்த வீடியோவை 13 ஆயிரத்துக்கும் அதிகமானோர் பார்த்திருக்கின்றனர். பலரும் இதற்கு நகைச்சுவையான கருத்துகளைத் தெரிவித்து வருகின்றனர்.

சற்று முன்



எடிட்டர் சாய்ஸ்