மத்திய அரசு விவசாயிகள் பிரச்னை குறித்து பேசுவதில்லை: ராகுல் குற்றச்சாட்டு

நா‌டாளுமன்றத்தில் விவசாயிகள் பிர‌ச்சினைகள் குறித்து விவாதிக்க ஆளும் கட்சியான பாஜக அரசு முன்வருவதில்லை என காங்கிரஸ் துணைத்‌ தலைவ‌‌ர் ராகுல் காந்தி குற்றம் சாட்டியுள்ளார்.

ஒடுக்கப்பட்ட மக்களின் குரல்களுக்கு பாஜகவும், ஆர்எஸ்எஸ்ஸும் செவிமடுப்பதில்லை என அவர் விமர்சித்துள்ளார். நள்ளிரவில் நாடு முழுவதும் சரக்கு‌ மற்றும் சேவை வரி மசோதாவை பா‌ஜக அரசு அவசர கதியில் அமல்படுத்தியது. விவசாயிகள், கூலித்தொழிலாளர்கள், சிறு வணிகர்களை பாஜக அரசு தொடர்ந்து புறக்கணித்து வருகிறது. அரசின் பலன்கள் அனைத்தும் முன்னணியில் உள்ள 50 தொழில‌திபர்களுக்கு மட்டுமே கிடைத்து ‌வருகிறது என்றும் அவர் கூறினா‌ர்.

ராஜஸ்தானில் விவ‌சாயிகள் க‌டனை தள்ளுப‌டி செ‌ய்வ‌ற்கு காங்கிரஸ் தொடர்ந்து போராடும் என்று‌ம் ராகுல் வாக்குறுதி அளித்தார்.