[X] Close

இலங்கை கிரிக்கெட் வீரர் உபுல் தரங்கா ஓய்வு!

விளையாட்டு

Upul-Tharanga-announces-retirement-from-international-cricket

இலங்கை கிரிக்கெட் அணியின் தொடக்க வீரராக இருந்த உபுல் தரங்கா சர்வதேச கிரிக்கெட் போட்டியிலிருந்து தன்னுடைய ஓய்வை அறிவித்து இருக்கிறார்.


Advertisement

கடந்த 15 ஆண்டுகளாக இலங்கை கிரிக்கெட் அணிக்காக விளையாடி வந்த தரங்கா, அந்த அணியின் கேப்டனாக 2017-ஆம் ஆண்டு ஜூலை முதல் நவம்பர் வரை பொறுப்பு வகித்தார். கடைசியாக கடந்த 2019-இல் தென் ஆப்பிரிக்காவுக்கு பயணம் மேற்கொண்ட இலங்கை அணியில் அவா் இடம் பிடித்திருந்தார். இடதுகை பேட்ஸ்மேனான அவா் தொடக்க வீரராக ஆடி வந்தார்.

image


Advertisement

2005-ஆம் ஆண்டு டிசம்பரில் அகமதாபாதில் நடைபெற்ற இந்தியாவுக்கு எதிரான ஆட்டம் மூலம் சர்வதேச டெஸ்டில் அறிமுகமான உபுல் தரங்கா, கடைசியாக 2017- இல் பல்லெகெலேவில் இந்தியாவுக்கு எதிரான டெஸ்டில் விளையாடியிருந்தார். 2005-இல் வெஸ்ட் இண்டீஸ் அணிக்கு எதிரான ஆட்டத்தின் மூலம் சா்வதேச ஒருநாள் கிரிக்கெட்டை தொடங்கினார்.

உபுல் தரங்கா இதுவரை 31 டெஸ்ட் போட்டிகளில் விளையாடி 1754 ரன்கள் எடுத்துள்ளார். அவருடைய அதிகபட்ச ஸ்கோர் 165. மொத்தம் 3 சதம் மற்றும் 8 அரை சதங்கள் அடித்துள்ளார். மேலும் 235 ஒருநாள் போட்டிகளில் விளையாடி 6951 ரன்களை குவித்துள்ளார். அதில் மொத்தம் 15 சதங்களும் 37 அரை சதமும் விளாசியுள்ளார்.


Advertisement

Advertisement
[X] Close