[X] Close

உள்குத்தகை.. அளவுக்கு அதிகமான பணியாளர்கள்.. சிவகாசி பட்டாசு விபத்து - அதிர்ச்சி தகவல்கள்!

தமிழ்நாடு

sivakasi-fire-work-death-reason-is-that-it-involved-too-many-employees

சிவகாசி பட்டாசு விபத்தில் பலர் உயிரிழந்ததற்கு, அளவுக்கு அதிகமாக பணியாளர்களை ஈடுபடுத்தியதே காரணம் என விசாரணையில் தெரியவந்துள்ளது. ஒருவருக்கு குத்தகைக்கு விடப்பட்ட ஆலை, அடுத்தடுத்து 4 பேருக்கு உள்குத்தகைக்கு விடப்பட்டதும் அம்பலமாகியுள்ளது.


Advertisement

விருதுநகர் மாவட்டம் சாத்தூர் அருகே உள்ள அச்சங்குளத்தில் இயங்கி வந்த பட்டாசு ஆலையில் ஏற்பட்ட வெடி விபத்தில் இதுவரை 19 பேர் உயிரிழந்துள்ளனர். மேலும் 30 பேர் பலத்த தீக்காயங்களுடன் சிகிச்சை பெற்று வருகின்றனர். அவர்களில் பலருக்கு 60 சதவீத தீக்காயம் ஏற்பட்டுள்ளதாகவும், 4 பேரின் நிலைமை கவலைக்கிடமாக உள்ளதாகவும் தகவல்கள் வெளியாகியுள்ளன.

Image result for sivakasi fireworks factory


Advertisement

இந்த வெடி விபத்து சம்பவம் தொடர்பாக ஏற்கனவே 3 பேர் மீது வழக்குப்பதிவு செய்யப்பட்ட நிலையில், மேலும் 3 பேர் மீது வழக்குப்பதிவு செய்யப்பட்டுள்ளது. குத்தகைதாரர் பொன்னுப்பாண்டி என்பவரை கைது செய்த காவல் துறை, உரிமையாளர்களை தேடி வருகின்றனர். இந்த நிலையில் விபத்து தொடர்பாக பல அதிர்ச்சி தகவல்கள் வெளியாகியுள்ளன. பாட்டாசு ஆலை விதிமுறையை மீறி குத்தகைக்கு விடப்பட்டுள்ளது. ஒருவருக்கு குத்தகைக்கு விடப்பட்ட ஆலை, அடுத்தடுத்து 4 பேருக்கு உள்குத்தகைக்கு விடப்பட்டதும் அம்பலமாகியுள்ளது.

Image result for sivakasi fireworks factory

இதுதவிர ஆலையில் அளவுக்கு அதிகமான பணியாளர்கள் பணி அமர்த்தப்பட்டதும், உயிரிழப்பு அதிகரிப்பதற்கு காரணம் எனக் கூறப்படுகிறது. இதனிடையே, உயிரிழந்த 19 பேர்களில் அடையாளம் காணப்பட்ட 16 நபர்களின் உடல்கள் பிரேத பரிசோதனை செய்யப்பட்டு உறவினர்களிடம் ஒப்படைக்கப்பட்டன. மேலும், 3 பேரின் உடல்கள் அடையாளம் காண உறவினர்கள் வரவழைக்கப்பட்டுள்ளனர்.


Advertisement

Advertisement

Advertisement
[X] Close