[X] Close

"ரஹானே முக்கியமான பேட்ஸ்மேன்" சொதப்பியும் விட்டுக்கொடுக்காத கேப்டன் கோலி

விளையாட்டு

Virat-Kohli-backs-Ajinkya-Rahane-after-poor-batting-form

இந்திய டெஸ்ட் அணிக்கு ரஹானே மிகவும் முக்கியத்துவம் வாய்ந்தவர் என்று கேப்டன் விராட் கோலி கூறியுள்ளார்.


Advertisement

சென்னையில் நடைபெற்ற இங்கிலாந்துக்கு எதிரான டெஸ்ட் தொடரில் இந்தியா 227 ரன்கள் வித்தியாசத்தில் தோல்வியடைந்தது. இதனையடுத்து இவ்விரு அணிகளுக்கு இடையிலான அடுத்த டெஸ்ட் போட்டி வரும் 13 ஆம் தேதி சேப்பாக்கத்தில் நடைபெற இருக்கிறது. இந்நிலையில், போட்டிக்கு பின்பு விராட் கோலி பேட்டியளித்தார். அதில் பல்வேறு விஷயங்களை பகிர்ந்தார்.

image


Advertisement

அப்போது பேசிய அவர் "வேகப்பந்து வீச்சாளர்களும் அஸ்வினும் தொடர்ச்சியாக நன்குப் பந்துவீசினார்கள். வாஷிங்டன் சுந்தரும் ஷபாஸ் நதீமும் குறைந்த ரன்களைக் கொடுக்குமளவு பந்து வீசியிருக்கலாம். இன்னும் கூடுதலாக அழுத்தம் கொடுத்திருக்கலாம். அப்படிப் பந்து வீசியிருந்தால் நிலைமை வேறாக இருந்திருக்கும். எதிரணி 80-90 ரன்கள் குறைவாக எடுத்திருப்பார்கள். பேட்டிங்கிலும் முதல் இன்னிங்ஸில் நாங்கள் 70-80 ரன்கள் கூடுதலாக எடுத்திருக்கலாம்" என்றார்.

மேலும் "அப்படி நடந்திருந்தால் போட்டி அப்போது சமநிலையில் இருந்திருக்கும். நாங்கள் முதல் இன்னிங்ஸில் பேட்டிங் செய்தபோது டெஸ்ட் அவர்கள் பக்கம் சென்றுவிட்டது. நீண்ட நேரம் பேட்டிங் செய்ய நினைத்தோம். ஆனால் அதைச் செய்ய முடியவில்லை. பந்தின் தரம் சரியாக இல்லை. 60 ஓவர்களில் பந்து அதன் தன்மையை இழந்து விட்டது" என்றார் கோலி.

image


Advertisement

ரஹானேவின் மோசமான பார்ம் குறித்த கேள்விக்கு பதிலளித்த கோலி "எப்படி புஜாரா நம்பர் 3 பேட்ஸ்மேனாக இந்திய டெஸ்ட் அணிக்கு எவ்வளவு முக்கியமானவரோ அதேபோல 5 ஆம் இடத்துக்கு ரஹானேவும் முக்கியமானவர். அவரின் திறமை மீது நம்பிக்கை இருக்கிறது. இதனை பல முறை அவர் நிரூபித்திருக்கிறார். பல காலமாக அணியில் இருக்கிறார்" என்றார் கோலி.


Advertisement

Advertisement
[X] Close