[X] Close

ஜூலையில் மிரட்ட வருகிறது ’கேஜிஎப் 2’ - வெளியீட்டு தேதி அறிவிப்பு!

சினிமா

kgf-2-release-july-16

சினிமா ரசிகர்கள் ஆவலுடன் எதிர்பாத்துகொண்டிருக்கும் ‘கே.ஜி.எஃப் 2’ படத்தின் வெளியீட்டு தேதியை உற்சாகமுடன் அறிவித்திருக்கிறது படக்குழு.


Advertisement

பிரஷாந்த் நீல் இயக்கத்தில் யாஷ், ஸ்ரீநிதி ஷெட்டி நடிப்பில் கன்னடத்தில் கடந்த 2018 ஆம் ஆண்டு வெளியான ’கேஜிஎஃப்’ பிரம்மாண்டமான வசூல் சாதனை செய்தது. அதனைத்தொடர்ந்து தமிழ், தெலுங்கு, இந்தி என பல்வேறு மொழிகளில் மொழிமாற்றம் செய்யப்பட்டு வெளியாகி அதிலும் வெற்றியை குவித்தது. இந்த வெற்றியால் ’கேஜிஎஃப் 2’ படத்தின் ஷூட்டிங்கை அறிவித்து தற்போது இறுதிக்கட்ட படப்பிடிப்பிலும் ஈடுபட்டு வருகிறது படக்குழு. ஸ்ரீநிதி ஷெட்டி, சஞ்சய் தத், பிரகாஷ் ராஜ்,ரவீனா தண்டன் உள்ளிட்டோர் நடிக்கிறார்கள்.

image


Advertisement

கடந்த 8 ஆம் தேதி யாஷ் பிறந்தநாளுக்கு முதல்நாள் இரவு படத்தின் டீசரை வெளியிட்டது படக்குழு. ஒரே நாளில் மில்லியன் லைக்ஸ், பல கோடி வியூஸ்களை தாண்டிய இந்தியாவின் முதல் படம் என்ற பெருமையையும் பெற்றது. இதனால், இப்போதுவரை டீசர் பல்வேறு சாதனைகளை படைத்து வருகிறது.

இந்நிலையில், இன்று காலை ’நாங்கள் கொடுத்த வாக்குறுதியை காப்பாற்றுவோம். முக்கியமான அறிவிப்பை இன்று மாலை 6.32 மணிக்கு வெளியிடுவோம்’ என தெரிவித்தது படக்குழு. அதன்படி, ‘கேஜிஎஃப் 2’ வரும் ஜூலை 16 ஆம் தேதி உலகம் முழுக்க தியேட்டர்களில் வெளியாகிறது என்று அதிகாரபூர்வமாக மாலை 6;32 மணிக்கு அறிவித்திருக்கிறது. இதனால், ஏகப்பட்ட எதிர்பார்ப்புகள் கிளம்பியுள்ளன.


Advertisement

Advertisement
[X] Close