Published : 29,Jan 2021 03:50 PM

”என் பிறந்தநாளில் மாநாடு டீசர்; விரைவில் உங்களுடன் சந்திப்பு”- ரசிகர்களுக்கு சிம்பு கடிதம்

I-will-meet-the-fans-live-soon--Letter-from-actor-Silambarasan

"சில முன் தீர்மானங்களால் எனது பிறந்தநாளன்று ஊரில் இல்லை, உங்களை நேரடியாக சந்திக்கும் நிகழ்வை விரைவில் ஒருங்கிணைப்பேன்" என்று நடிகர் சிலம்பரசன் ரசிகர்களுக்கு கடிதம் எழுதியுள்ளார்.

ரசிகர்களுக்கு நடிகர் சிலம்பரசன் எழுதியுள்ள கடிதத்தில் “ என் உயிரினும் மேலான ரசிகர்களுக்கு வணக்கங்கள். எத்தனை தடைகளை நான் கடந்து வந்தாலும், என்னுடன் என்றுமே நின்றிருக்கிறது உங்கள் பேரன்பு. அதுதான் நான் அடுத்தடுத்த படங்களை தருவதற்கும், உடல் எடையைக் குறைத்து உத்வேகமானதற்கும் மிக முக்கியமான காரணம். கொரோனா காலகட்டத்திற்காக வெகுவேகமாக முடிக்கப்பட்ட ஈஸ்வரன் படத்திற்கு பெரிய வரவேற்பை கொடுத்தீர்கள், வெற்றிபெற செய்தீர்கள். உங்களை நான் ரசிகர்கள் என்று சொல்வதைவிட எனது குடும்பம் என்றுத் சொல்வதுதான் சரியாக இருக்கும், உங்கள் அன்பிற்கு நிறைய நன்றிக்கடன்பட்டுள்ளேன்.

எனது பிறந்தநாளன்று நான் உங்களோடுதான் இருக்கவேண்டும், ஆனால் சில முன் தீர்மானங்களால் ஊரில் இல்லை, வெளியூர் செல்கிறேன். என் குடும்பத்தினர் வந்து வீட்டுமுன் காத்திருப்பதை நான் விரும்பவில்லை. அதனால் நண்பர்கள் யாரும் என் பிறந்தநாளன்று சந்திக்க வந்து ஏமாற்றமடைய வேண்டாம். உங்களை நேரடியாக சந்திக்கும் நிகழ்வை விரைவில் ஒருங்கிணைப்பேன், நாம் சந்திப்போம்.

ஒரு சிறு மகிழ்ச்சிக்காக என் பிறந்தநாளன்று மாநடு டீசர் வெளியாகும், மகிழுங்கள். நிச்சயம் இனி நமது ஆண்டாக வெற்றிகரமான ஆண்டாக இருக்கும். அனைவருக்கும் அன்பும்…நன்றியும்.” என தெரிவித்திருக்கிறார்.

சற்று முன்



எடிட்டர் சாய்ஸ்