Published : 17,Jul 2017 03:04 AM

தமிழக மீனவர்கள் 4 பேர் கைது...படகு பறிமுதல்

fishermen-arrested-by-srilankan-navy

எல்லை தாண்டி மீன்பிடித்ததாக புதுக்கோட்டை மாவட்ட மீனவர்கள் 4 பேர் இன்று அதிகாலை இலங்கைக் கடற்படையால் கைது செய்யப்பட்டுள்‌ளனர்.

புதுக்கோட்டை மாவட்டம் ஜெகதாப்பட்டினம் மீனவர்கள் நேற்று மீன்‌பிடிக்கக் கடலுக்கு சென்றனர். அவர்கள் இன்று அதிகாலை யாழ்ப்பாணம் கடற்பகுதியில் எல்லை தாண்டி மீன்பிடித்ததாகக் கூறி இலங்கை கடற்படையினரால் கைது செய்யப்பட்டுள்ளனர். அவர்களிடமிருந்து படகு ஒன்றும் பறிமுதல் செய்யப்பட்டுள்ளது. இதையடுத்து கைது செய்யப்பட்ட 4 மீனவர்களையும் காங்கேசன்துறை கடற்படை முகாமிற்கு அழைத்துச் சென்று விசாரித்து வருவதாக கூறப்படுகிறது. எல்லை தாண்டி மீன்பிடித்ததாகக் கூறி தற்போது கைது செய்யப்பட்ட 4‌ பேர் உள்பட 81 மீனவர்கள் இலங்கை சிறைகளில் அடைக்கப்பட்டுள்ளனர். அதேபோல், இதுவரை 159 படகுகளை இலங்கைக் கடற்படையினர் பறிமுதல் செய்துள்ளது குறிப்பிடத்தக்கது. 

சற்று முன்



எடிட்டர் சாய்ஸ்