பிரான்ஸில் தானியங்கி பேருந்து சேவை

பிரான்ஸ் தலைநகர் பாரீஸில் அதிநவீன தொழில்நுட்ப வசதிகளுடன் கூடிய தானியங்கி பேருந்து சேவையை அந்நாட்டு அரசு தொடங்கியுள்ளது.

பாரீஸின் இரண்டு ரயில் நிலையங்களுக்கு இடையில் இந்த தானியங்கி பேருந்தின் சேவை தொடங்கப்பட்டுள்ளது. ஓட்டுநர் இல்லாமல் அதிநவீன தொழில்நுட்ப வசதிகளுடன் கூடிய பேருந்து சேவையானது மக்கள் பயன்பாட்டிற்கு கொண்டு வரப்பட்டது. இதற்காக சி்றப்பு பாதையும் ஏற்படுத்தி தரப்பட்டுள்ளது. 130 மீட்டர் தொலைவிற்கு இயங்கும் இந்த தானியங்கி பேருந்தில் 10 பயணிகள் வரை பயணிக்க முடியும். பாதசாரிகளுக்கு பிரச்னை ஏற்படாத வகையில், சூழ்நிலைகளுக்கு ஏற்ப பேருந்து இயங்கும் என தெரிவிக்கப்பட்டுள்ளது.வரும் ஏப்ரல் வரை மக்கள் இதனை இலவசமாக பயன்படுத்தி கொள்ளலாம் என்று அறிவிக்கப்பட்டுள்ளது.மேலும் கூடிய விரைவில் மற்ற நகரங்களுக்கும் தானியங்கி பேருந்து சேவைகள் விரிவுபடுத்தப்பட உள்ளதாக பிரான்ஸ் அரசு கூறியுள்ளது. பாரீஸ் நகர மக்கள் இந்த தானியங்கி பேருந்து சேவையை பெரிதும் வரவேற்றுள்ளனர்.