Published : 07,Jan 2021 01:38 PM

‘என்பையன் நல்லா நடிக்கிறானா?’- விஜயிடம் கேட்ட விஜய் சேதுபதியின் தாய்; நெகிழ்ச்சியான தருணம்

vijay-sethupathy-morther-meets-vijay

’மாஸ்டர்’ பட ஷூட்டிங்கின்போது தனது அம்மா சரஸ்வதி, விஜய்யை சந்தித்து ‘என் பையன் நல்லா நடிக்கிறானா?’ என்று கேட்ட சுவாரசிய தகவலை நடிகர் விஜய் சேதுபதி சமீபத்திய பேட்டி ஒன்றில் குறிப்பிட்டுள்ளார்.

image

லோகேஷ் கனகராஜின் இயக்கத்தில் விஜய், விஜய் சேதுபதி நடித்துள்ள ‘மாஸ்டர்’ வரும் பொங்லையொட்டி தியேட்டர்களில் வெளியாகிறது. இதனால், விஜய் மற்றும் விஜய் சேதுபதி, லோகேஷ் கனகராஜ் ரசிகர்கள் ஏகப்பட்ட எதிர்பார்ப்பில் இருக்கிறார்கள். விஜய்க்கு வில்லனாக நடிக்கும் விஜய் சேதுபதி ‘பவானி’ என்ற கேரக்டரில் நடிக்கிறார். மாஸ்டர் வெளியாக இன்னும் ஒரு வாரமே உள்ள நிலையில், விஜய், விஜய் சேதுபதியின் புதுப்புது கெட்டப் புகைப்படங்களை வெளியிட்டு ரசிகர்களை உற்சாகப்படுத்தி வருகிறது படக்குழு.

 image

இந்நிலையில், சமீபத்தில் விகடனுக்கு பேட்டி அளித்த விஜய் சேதுபதி, ”எனது அம்மா விஜய்யை சந்திக்க ஆசைப்பட்டார். அவரின், அந்த ஆசை எனக்கு ஆச்சர்யமாக இருந்தது. அதனால், மாஸ்டர் படப்பிடிப்புக்கு அழைத்துச்சென்று விஜய்யை சந்திக்க வைத்தேன். அவருடன் புகைப்படம் எடுத்தபிறகு எனது அம்மா ‘என் பையன் நல்லா நடிக்கிறானா?’ என்று கேட்டார். அதற்கு, விஜய்யும் பாராட்டினார். அவர், பாராட்டியதில் இருவருமே மகிழ்ந்தோம்’ என்று நெகிழ்ச்சியுடன் குறிப்பிட்டுள்ளார். ஏற்கனவே, விஜய்க்கு விஜய் சேதுபதி முத்தமிட்டு அன்பை வெளிப்படுத்தும் புகைப்படம் வைரலானது என்பது குறிப்பிடத்தக்கது.

 

சற்று முன்



எடிட்டர் சாய்ஸ்