Published : 09,Oct 2020 12:44 PM

“என் பேச்சை மகள் காது கொடுத்து கேட்கவில்லை; மூளைச் சலவை செய்துள்ளனர்”-சௌந்தர்யாவின் தந்தை

soundarya-father-said-MLA-Prabhu-has-brainwashed-his-daughter

தனது மகளை எம்.எல்.ஏ பிரபு மூளைச் சலவை செய்துவிட்டதாக சௌந்தர்யாவின் தந்தை சுவாமிநாதன் தெரிவித்துள்ளார்.

கள்ளக்குறிச்சி எம்.எல்.ஏ பிரபுவும் சௌந்தர்யா என்ற பெண்ணும் காதல் திருமணம் செய்து கொண்டனர். அதற்கு, 19 வயது நிரம்பாத தனது மகள் சௌந்தர்யாவை கடத்தி பிரபு திருமணம் செய்ததாக பெண்ணின் தந்தை சுவாமிநாதன் சென்னை உயர்நீதிமன்றத்தில் வழக்கு தொடர்ந்திருந்தார்.

இந்த வழக்கை விசாரித்த நீதிமன்றம் சௌந்தர்யாவை இன்று நேரில் ஆஜராக உத்தரவிட்டிருந்தது. இதையடுத்து இன்று சௌந்தர்யா நேரில் ஆஜராகினார். அப்போது, முழு மனதுடன் எம்.எல்.ஏவை திருமணம் செய்திருப்பதாகவும் தன்னை யாரும் கட்டாயப்படுத்தவில்லை எனவும் சௌந்தர்யா வாக்குமூலம் அளித்தார்.

image

மேலும் கணவரும் எம்.ஏல்.ஏவுமான பிரபுவுடன் செல்ல அனுமதிக்குமாறு சௌந்தர்யா கூறியதையைடுத்து நீதிமன்றம் அனுமதி வழங்கி உத்தரவிட்டது. இதுகுறித்து பேசிய சௌந்தர்யாவின் தந்தை சுவாமிநாதன் “நான் என் மகளிடம் பேசினேன். நான் பேசுவதை எதையுமே எனது மகள் காது கொடுத்து கேட்கவில்லை. என் முகத்தையே பார்க்கவில்லை. அந்த அளவிற்கு எனது பெண்ணை மூளைச் சலவை செய்து மனதை கலைத்துள்ளனர். எம்.எல்.ஏவின் முழுக் கட்டுப்பாட்டில் பெண்ணை வைத்துள்ளனர். 4 வருஷத்துக்கு முன்பிலிருந்தே காதல் என்று சொல்கிறார்கள். அப்போது என் பெண்ணுக்கு என்ன வயது இருக்கும். வழக்கை மேல்முறையீடு செய்ய உள்ளேன்” எனத் தெரிவித்துள்ளார்.

சற்று முன்



எடிட்டர் சாய்ஸ்