ஐசிஎப் தீ விபத்து: பாதுகாப்பு பணியில் இருந்த ஆர்பிஎஃப் வீரர் தற்கொலை - போலீசார் விசாரணை

சென்னை ஐசிஎப் தீ விபத்தின் போது இரவு பாதுகாப்பு பணியில் இருந்த ஆர் பி எஃப் வீரர் தற்கொலை செய்து கொண்டுள்ள சம்பவம் அதிர்ச்சியை ஏற்படுத்தியுள்ளது. 

சென்னை ஐசிஎப் தீ விபத்தின் போது,  காஜா மைதீன் என்ற ஆர் பி எஃப் வீரர் இரவு பாதுகாப்பு பணியில் ஈடுபட்டிருந்தார். அவர் இன்று தன் சட்டையை பயன்படுத்தி  தற்கொலை செய்து கொண்டார்.  தீ விபத்து தொடர்பாக தன்னை விசாரிக்க நேரிடும் என்ற அச்சத்தில் அவர் தூக்கிட்டு தற்கொலை செய்து கொண்டதாக சொல்லப்படுகிறது. இது தொடர்பாக ஐசிஎப் போலீசார் வழக்கு பதிவு செய்து விசாரணை நடத்தி வருகின்றனர்.

 தற்கொலை என்பது எதற்கும் முடிவல்ல. மனித உயிரை மாய்த்துக்கொள்வதற்கான உரிமை யாருக்கும் இல்லை. தற்கொலை எண்ணம் மேலிடும் போது உரிய ஆலோசனை பெற்றால் புதிய வாழ்க்கை அவர்களுக்காக காத்துக்கொண்டிருக்கிறது. அதற்காகவே சினேகா போன்ற தன்னார்வ தொண்டு நிறுவனங்கள் சேவை ஆற்றி வருகின்றன. அவர்களை தொடர்பு கொண்டு இலவசமாக ஆலோசனை பெறலாம்.

சினேகா தன்னார்வ தொண்டு நிறுவனம்,
எண்; 11, பார்க் வியூவ் சாலை, ஆர்.ஏ. புரம்,
சென்னை - 600 028.
தொலைபேசி எண் - +91 44 2464 0050, +91 44 2464 0060