இதுவல்லவா தோனி பாசம்.. அன்பை வித்தியாசமாக வெளிப்படுத்திய சாந்தணு

கிரிக்கெட்டின் தீவிர ரசிகரான சாந்தணு சென்னையில் நடந்த நட்சத்திர கிரிக்கெட் போட்டியில் ஆர்வத்துடன் ஈடுபட்டார். பல ஆண்டுகளாக சென்னை சூப்பர்கிங்ஸ் அணியின் ரசிகரான அவர், குறிப்பாக தோனியின் பெரும் ரசிகர். ஐபிஎல் போட்டி நடக்கும் ஒவ்வொரு ஆண்டும் சென்னை சூப்பர் கிங்ஸ் அணிக்கு ஆதரவு தெரிவிக்கும்விதமாக மஞ்சள் நிற ஜெர்சி அணிவதை சாந்தணு வழக்கமாக வைத்திருக்கிறார்.

அதற்கும் மேலாக இந்த ஆண்டு, ஐக்கிய அரபு அமீரகத்தில் ஐபிஎல் போட்டி தொடங்கிய நாளன்று சென்னையில் தோனி தங்கும் ஹோட்டல் அறையில் ஒரு நாளைச் செலவிட்டிருக்கிறார் சாந்தணு. சூப்பர்கிங்ஸ் அணி வழக்கமாக தங்கும் அந்த பிரபலமான ஹோட்டலில் சனிக்கிழமையன்று மனைவியுடன் தங்கியுள்ளார். தோனியின் அறை முழுவதும் அவரது புகைப்படங்கள் மற்றும் கையெழுத்துகளால் அலங்கரிக்கப்பட்டிருந்தது.

கிரிக்கெட்டில் ஆர்வமில்லாத மனைவியை ஆச்சரியப்படுத்த நினைத்த சாந்தணு, சென்னை அணியினர் தங்கும் ஹோட்டலிலேயே தங்கி ஐபிஎல் போட்டியைப் பார்க்கும் வாய்ப்பை வழங்கியுள்ளார். ஏதோ வாரவிடுமுறைக்குச் செல்வதுபோல அங்கே அழைத்துச் சென்று ஆச்சரியப்படுத்திவிட்டார்.

விஜய்யுடன் மாஸ்டர் படத்தில் நடித்துள்ள சாந்தணு, அந்தப் படத்தின் வெளியீட்டுக்காக உற்சாகத்துடன் காத்திருக்கிறார்.

See how I got @KikiVijay to watch the first #IPL game yesterday
“A Day in Dhoni’s Room”https://t.co/gceLiekuSy #WithLoveShanthnuKiki #CSK #Dhonism #MSDhoni #Yellove @Pickyourtrail @CrownePlazaChn
*Not a paid promotion* pic.twitter.com/efYFbghTCJ— Shanthnu ? ஷாந்தனு Buddy (@imKBRshanthnu) September 20, 2020