வசனங்களே கிடையாது - ஓடிடியில் வெளியாகும் மாதவன்,அனுஷ்கா நடித்த ’நிசப்தம்’!

நடிகர் மாதவன், அனுஷ்கா நடித்துள்ள ’நிசப்தம்’ த்ரில்லர் படம் ஓ.டி.டியில் வரும் அக்டோபர் 2 ஆம் தேதி வெளியாகவுள்ளது.

இயக்குநர் ஹேமந்த் மதுகர் இயக்கத்தில் நடிகர் மாதவன், அனுஷ்கா, அஞ்சலி, ஷாலின் பாண்டே உள்ளிடோர் நடித்த ’நிசப்தம்’ திரைப்படம் வெவ்வேறு தலைப்புகளில் தெலுங்கு, தமிழ், மலையாளம், கன்னடம், இந்தியில் வெளியாகவிருக்கிறது.

தமிழில் நிசப்தம் என்ற பெயரிலேயே வெளியிடப்படுகிறது. ஒட்டுமொத்தப் படபிடிப்பும் முடிவடைந்த நிலையில் ஏப்ரல் 2 ஆம் தேதி திரைக்கு தயாராக இருந்தபோது கொரோனா ஊரடங்கால் படம் வெளியாவதில் சிக்கல் உண்டானது.

Your silence will protect you.#NishabdhamOnPrime, premieres October 2 in Telugu and Tamil, with dub in Malayalam!#AnushkaShetty @ActorMadhavan @yoursanjali @actorsubbaraju #ShaliniPandey @hemantmadhukar #TGVishwaPrasad @konavenkat99 @vivekkuchibotla pic.twitter.com/pgV6fiHSvC — amazon prime video IN (@PrimeVideoIN) September 18, 2020

இதனால், ஓடிடி தளத்தில் வெளியிட முற்பட்டபோது நடிகை அனுஷ்கா இப்படத்தின் புரொமொஷனுக்கு வரமறுத்தார். தற்போது தயாரிப்பாளருடன் சமாதானம் ஆகிவிட்டதால், அமேசான் பிரைமில் வரும் அக்டோபர் 2 ஆம் தேதி வெளியாகும் என்று அமேசான் பிரைம் அறிவித்திருக்கிறது.

சஸ்பென்ஸ், த்ரில்லர் கதையாக உருவாகியிருக்கும் இப்படத்தில் வசனமே இல்லை என்றும் கூறப்படுவதால் எதிர்பார்ப்புகள் அதிகரித்துள்ளன.

ஏற்கனவே, மாதவன் அனுஷ்கா ஜோடி சுந்தர் சி இயக்கத்தில் 2006 ஆம் ஆண்டு வெளியான ’ரெண்டு’ படத்தில் இணைந்திருந்தனர் என்பது குறிப்பிடத்தக்கது. அதன்பிறகு, 14 வருடங்களுக்குப்பிறகு மீண்டும் ’நிசப்தம்’ படத்தில் இணைந்துள்ளனர்.