[X] Close

“நான் தற்கொலை செய்யப்போகிறேன்” இளைஞரின் ஸ்டேட்டஸால் உஷாரான ஃபேஸ்புக் ஊழியர்!

அறிவியல் & தொழில்நுட்பம்

Suicide-Prevented-After-Facebook-Officials-Alert-Bengal-Cops-To-Post

மேற்கு வங்கத்தின் நடியா மாவட்டத்தில் 20 வயதிற்குட்பட்ட இளைஞர் ஒருவர் தற்கொலை செய்துகொள்ளபோவதாக பேஸ்புக்கில் பதிவிட்டதை அடுத்து, பேஸ்புக் அதிகாரிகள் தகவல் சொல்லி காவல்துறையினர் அந்த தற்கொலையை தடுத்து நிறுத்தியுள்ளனர்.

image

திங்கள்கிழமை அதிகாலை 1.30 மணியளவில் கொல்கத்தா காவல்துறையின் சைபர்கிரைமை தொடர்புகொண்ட பேஸ்புக் அதிகாரிகள், இளைஞர் ஒருவர் தற்கொலை செய்துகொள்வதாக பதிவிட்ட தகவலை தெரிவித்தனர். அதன்பிறகு விரைவான விசாரணை தொடங்கப்பட்டது, மேலும் அவரின் பேஸ்புக் சுயவிவரத்தை உருவாக்கப் பயன்படுத்தப்படும் தொலைபேசி எண்கள் கண்டுபிடிக்கப்பட்டன.


Advertisement

"சமூக பொறியியலைப் பயன்படுத்தி, அந்த நபரின் இருப்பிடம் கண்டறியப்பட்டது. நாங்கள் அந்த இளைஞனின் தந்தையுடைய தொலைபேசி எண்ணையும் பெற்றோம், அவரைத் தொடர்பு கொண்டு நிலைமை குறித்து விளக்கினோம்.அவர் உடனே தனது மகனின் அறைக்கு விரைந்து சென்று அவரை மீட்டார், பிம்பூர் காவல் நிலையத்திற்கும் தகவல் தெரிவித்திருந்தோம்" என்று காவல்துறை அதிகாரி கூறினார்.

பிறகு உடனடியாக போலீசார் குழு ஒன்று பிம்பூர் காவல் நிலையத்திலிருந்து அந்த நபரின் வீட்டிற்கு விரைந்து சென்றனர். அருகிலுள்ள மருத்துவமனைக்கு அவர் கொண்டு செல்லப்பட்டு அங்கு சிகிச்சை பெற்ற பின்னர் டிஸ்சார்ஜ் செய்யப்பட்டதாகவும் அந்த அதிகாரி தெரிவித்தார். விசாரணையில் அந்த இளைஞன் கடந்த மூன்று ஆண்டுகளாக மன அழுத்தத்தால் பாதிக்கப்பட்டுள்ளார் என்பது தெரிந்தது. அவர் ஏற்கனவே நான்கு சந்தர்ப்பங்களில் தற்கொலைக்கு முயன்றதாகவும் அந்த அதிகாரி தெரிவித்தார்.

Advertisement:

Advertisement

Advertisement
[X] Close